Sterkur sigur Þórs/KA í Úlfarsárdalnum

Þór/​KA gerði góða ferð til Reykja­vík­ur er liðið lagði Fram, 3:1, í Bestu deild kvenna í knatt­spyrnu í dag.

Úrslit­in þýða að Þór/​KA er með 12 stig í fjórða sæti en Fram er með sex stig í átt­unda sæti.

Þór/​KA komst yfir á 20. mín­útu eft­ir mark frá Amal­íu Árna­dótt­ur. Sandra María Jessen þræddi Amil­íu í gegn sem var eina á móti mark­manni en skot henn­ar endaði í stöng­inni. Amal­ía var hins veg­ar fyrst á frá­kastið og fylgdi eft­ir og skoraði í autt markið.

Eft­ir hálf­tíma leik fékk Dom­in­iqe Bond-Flasza dauðafæri til að jafna met­in en skot henn­ar úr markteig endaði yfir mark­inu. 

Skömmu síðar tvö­faldaði Sandra María for­ystu Þórs/​KA. Henrí­etta Ágústs­dótt­ir átti góða stungu­send­ingu inn fyr­ir á Söndru sem skoraði af miklu ör­yggi.

Fram náði að minnka mun­inn í blá­lok­in í fyrri hálfleik. Sara Svan­hild­ur sendi bolt­ann fyr­ir markið á Murielle Tiern­an sem stýrði hon­um í netið. num endaði yfir mark­inu. 

Staðan var 2:1 fyr­ir Þór/​KA í hálfleik.

Sandra María bætti við sínu öðru marki á 60. mín­útu. Það kom eft­ir stór­kost­lega fyr­ir­gjöf frá Ang­elu Mary Helga­dótt­ur af hægri kant­in­um, beint á koll­inn á Söndru sem stangaði bolt­ann í netið.

Mörk­in urðu ekki fleiri í leikn­um og Þór/​KA vann ör­ugg­an 3:1-sig­ur.

Fram	1:3	Þór/​KA	Opna lýs­ingu Loka
90. mín. Fjór­ar mín­út­ur í upp­bót­ar­tíma.
Augna­blik — sæki gögn...

• Blogga um frétt