Grindavík fór illa með Þrótt

Grinda­vík gerði ein­stak­lega góða ferð í Laug­ar­dal­inn og lagði þar Þrótt úr Reykja­vík ör­ugg­lega að velli, 4:2, í þriðju um­ferð 1. deild­ar karla í knatt­spyrnu í kvöld.

Með sigr­in­um fór Grinda­vík upp í sjötta sæti þar sem liðið er nú með fjög­ur stig. Þrótt­ur er í átt­unda sæti, einnig með fjög­ur stig.

Ármann Ingi Finn­boga­son kom Grind­vík­ing­um yfir eft­ir tólf mín­útna leik og Breki Þór Her­manns­son tvö­faldaði svo for­yst­una skömmu fyr­ir leik­hlé með marki úr víta­spyrnu.

Áður en fyrri hálfleik­ur var úti minnkaði Ei­rík­ur Þor­steins­son Blön­dal mun­inn fyr­ir Þrótt og staðan því 2:1 í hálfleik.

Adam Árni Ró­berts­son bætti við þriðja marki gest­anna úr Grinda­vík 69. mín­útu og fjór­um mín­út­um síðar skoraði Breki Þór annað mark sitt og fjórða mark liðsins.

Adam Árni fékk svo sitt annað gula spjald og þar með rautt 13 mín­út­um fyr­ir leiks­lok.

Jakob Gunn­ar Sig­urðsson minnkaði mun­inn fyr­ir Þrótt á 90. mín­útu en var það um sein­an fyr­ir heima­menn og fyrsti sig­ur Grinda­vík­ur í sum­ar staðreynd.

Í blá­lok­in fékk varamaður­inn Sölvi Snær Ásgeirs­son, leikmaður Grinda­vík­ur, beint rautt spjald fyr­ir ljóta tæk­lingu.

• Blogga um frétt