Ljót mörk gilda jafn mikið

Aron Elí Sæv­ars­son, fyr­irliði Aft­ur­eld­ing­ar, var að von­um kát­ur er hann mætti í viðtal til mbl.is eft­ir 4:3-sig­ur liðsins gegn KR í Bestu deild karla í knatt­spyrnu í kvöld.

„Mér líður rosa­lega vel. Þetta var það skrít­inn leik­ur að maður er ennþá að melta þetta,“ sagði Aron Elí í sam­tali við mbl.is eft­ir leik. 

Aft­ur­eld­ing lenti tvisvar und­ir í leikn­um en sýndi mik­inn karakt­er og vann að lok­um sterk­an 4:3-sig­ur. 

„Við viss­um að þeir eru með fullt sjálfs­traust og spila mjög skemmti­leg­an fót­bolta, með góða leik­menn. Þegar við lend­um und­ir lít­ur þetta ekki vel út fyr­ir okk­ur en við erum með þannig lið, við erum í góðu standi og við get­um líka spilað svona bolta og mik­inn sókn­ar­leik. Þannig við ákváðum að gefa allt í þetta og þetta datt okk­ar meg­in í dag.“

Hvað var það sem lagði grunn­inn að þess­um sigri í dag?

„Þol­in­mæði og þétt­leiki í varn­ar­leikn­um. Við vor­um mjög góðir í föst­um leik­atriðum eins og sást. Þeir eru með mikið svæði, vilja sækja á mörg­um og skilja mikið svæði og við náðum að nýta það þegar við unn­um bolt­ann.

Ég held að það og bar­áttu­and­inn og hvernig vígi þetta er hjá okk­ur. Marg­ir stuðnings­menn, nýtt lag og öll stemn­ing­in, ég held að það skilaði þessu.“

Hvernig var til­finn­ing­in að skora þitt fyrsta mark í efstu deild fyr­ir Aft­ur­eld­ingu?

„Ég var bú­inn að bíða eft­ir þessu í nokkra leiki og gam­an að geta skorað fyrsta markið og klárað það. Mér fannst reynd­ar stoðsend­ing­in í fyrsta mark­inu betri en markið en það skipt­ir engu máli því ljót mörk gilda jafn mikið.“

Næsti leik­ur er gegn KA, hvernig und­ir­búiði ykk­ur fyr­ir þann leik?

„Við jöfn­um okk­ur aðeins á þess­um þrem­ur leikj­um. Við ferðuðumst vest­ur og spiluðum upp á skaga í miðri viku. Mjög erfiðir leik­ir og þessi leik­ur mjög erfiður, mikið hlaup. Við þurf­um góða end­ur­heimt og að skoða KA-menn­ina,“ sagði Aron Elí að lok­um.

• Blogga um frétt