Fjögurra marka jafntefli í Garðabænum

Stjarn­an og Vík­ing­ur skildu jöfn, 2:2, í hörku­leik í Bestu deild karla í knatt­spyrnu í Garðabæn­um í kvöld.

Vík­ing­ur sit­ur í öðru sæti deild­ar­inn­ar með 14 stig en Stjarn­an er í fimmta sæti með 10 stig. 

Vík­ing­ur hóf viður­eign­ina af krafti og fékk Stíg­ur Dilj­an Þórðar­son gott færi til að koma liðinu yfir á sjö­undu mín­útu. Gylfi Þór Sig­urðsson átti stór­kost­lega fyr­ir­gjöf beint á koll­inn á Stígi en Árni Snær Ólafs­son, markvörður Stjörn­unn­ar, varði skalla hans. 

Vík­ing­ar héldu áfram að vera með góða stjórn á leikn­um og átti Stjarn­an í erfiðleik­um með að spila í gegn­um fyrstu pressu þeirra.

Fyrsta marktilraun Stjörn­unn­ar kom á 25. mín­útu þegar skot Bene­dikts Warén af löngu færi hafnaði í stöng­inni. 

Vík­ing­ur náði for­yst­unni á 30. mín­útu eft­ir þrumu­skot frá Daní­el Haf­steins­syni. Bolt­inn datt fyr­ir Daní­el rétt utan teigs í kjöl­far horn­spyrnu sem negldi bolt­an­um í fyrstu snert­ingu í markið. 

Stíg­ur Dilj­an fékk dauðafæri rétt fyr­ir hálfleik til að tvö­falda for­ystu Vík­inga. Oli­ver Ekroth átti gott skot eft­ir horn­spyrnu sem Árni Snær varði vel. Stíg­ur var fyrst­ur á frá­kastið en skot hans úr markteign­um endaði í stöng­inni.

Staðan í hálfleik var 1:0 fyr­ir Vík­ingi. 

Á 63. mín­útu fékk Emil Atla­son gott færi til að jafna met­in eft­ir góða send­ingu frá Örvari Loga Örvars­syni en Ingvar Jóns­son varði stór­kost­lega. 

Jöfn­un­ar­mark Stjörn­unn­ar kom aðeins sjö mín­út­um síðar. Guðmund­ur Bald­vin Nökkva­son fann Emil inn fyr­ir sem skoraði af ör­yggi fram­hjá Ingvari í marki Vík­inga.

Örvar Eggerts­son kom Stjörn­unni yfir á 74. mín­útu. Það kom eft­ir góða fyr­ir­gjöf Bene­dikt Warén frá vinstri og reis Örvar manna hæst­ur í teign­um og skallaði bolt­ann í netið. 

Vík­ing­ar voru ekki lengi að svara fyr­ir sig en á 82. mín­útu jafnaði Ni­kolaj Han­sen met­in. Sveinn Gísli Þorkels­son átti skot eft­ir mik­inn darraðardans sem Örvar Logi bjargaði á línu. Bolt­inn hrökk fyr­ir Han­sen í markteign­um sem náði að ýta bolt­an­um yfir lín­una. 

Emil fékk frá­bært færi til að skora sig­ur­mark Stjörn­unn­ar í upp­bót­ar­tíma eft­ir góða send­ingu fyr­ir markið frá Örvari Eggerts­syni en skot hans endaði yfir mark­inu. 

Lok­aniðurstaða var því 2:2-jafn­tefli.

Stjarn­an	2:2	Vík­ing­ur R.	Opna lýs­ingu Loka
90. mín. Það verða að lág­marki sex mín­út­ur í upp­bót­ar­tíma.
Augna­blik — sæki gögn...

• Blogga um frétt