Búnir að setja ákveðinn „standard“ núna

Alex Þór Hauks­son leikmaður Stjörn­unn­ar skoraði mark og gaf tvær stoðsend­ing­ar þegar Stjarn­an vann KR ör­ugg­lega 4:2 í Bestu deild karla í fót­bolta í Garðabæn­um í kvöld.

Stjarn­an er kom­in með 13 stig í fimmta sæti deild­ar­inn­ar.

Alex Þór hafði þetta að segja spurður að því hvað skapaði sig­ur Stjörn­unn­ar í kvöld:

„Heild­ar­frammistaða liðsins skap­ar þetta. Við erum að hlaupa í báðar átt­ir. KR er mjög hættu­legt lið samt. Það eru alltaf kraf­mikl­ir leik­ir gegn þeim. En við skiluðum okk­ur í báða teiga vall­ar­ins og ég tel að það hafi skapað sig­ur­inn.“

Frétt af mbl.is

Stjarn­an kaf­sigldi KR á fyrstu ell­efu mín­út­un­um

Alex Þór Hauks­son, fyr­ir miðju. Ljós­mynd/​Guðmund­ur Bjarki Hall­dórs­son

KR spil­ar þannig fót­bolta að þeir spila litla vörn og mikla sókn. Þeir spila vissu­lega litla vörn og fá á sig þrjú mörk á inn­an við 11 mín­út­um. Að sama skapi spila þeir slaka sókn því þeir skora bæði mörk­in sín í upp­bót­ar­tíma beggja hálfleika. Hvernig komuð þið í veg fyr­ir beitt­an sókn­ar­leik hjá þeim?

„Við reynd­um bara að tak­marka þá. Þeir eru með mik­il gæði fram á við. Þeir fengu al­veg færi en við kom­um okk­ur fyr­ir markið og þá er erfiðara að skoða og þeir þurftu að hafa mikið fyr­ir sínu. Það hjálpaði mikið hversu hratt við hlup­um í vörn og lokuðum hjarta varn­ar­inn­ar hjá okk­ur. En þetta var skemmti­leg­ur leik­ur og KR er frá­bært lið.“

Þú skor­ar mark og gef­ur tvær stoðsend­ing­ar í kvöld. Klár­lega maður leiks­ins. Erum við að fara sjá þessa frammistöðu frá þér og Stjörn­unni í leik gegn KA í næstu um­ferð?

„Við erum bún­ir að setja ákveðinn „stand­ard“ núna. Við þurf­um bara að fylgja því eft­ir og halda áfram því sem við erum að gera. Við þurf­um að halda áfram að fá inn þessi mörk og skila okk­ur í 100% varn­ar­vinnu. Ef við ger­um það þá hef ég fulla trú á að við sækj­um þrjá punkta fyr­ir norðan,“ sagði Alex Þór í sam­tali við mbl.is.

• Blogga um frétt