Fáum stóra dóma á móti okkur

„Þeir skoruðu tvö og við ekk­ert,“ sagði svekkt­ur Magnús Már Ein­ars­son þjálf­ari Aft­ur­eld­ing­ar í sam­tali við mbl.is eft­ir tap fyr­ir Val, 2:0, á heima­velli í 9. um­ferð Bestu deild­ar karla í fót­bolta í dag.

Frétt af mbl.is

Vals­menn fyrst­ir að vinna í Mos­fells­bæ

Mos­fell­ing­ar voru mun sterk­ari aðil­inn fram­an af og fór stór hluti fyrsta hálf­tíma leiks­ins fram á vall­ar­helm­ingi Vals. Leik­ur­inn breytt­ist svo þegar Val­ur skoraði tvö mörk seinni hluta fyrri hálfleiks.

„Við feng­um fín­ar stöður og ágæt­is færi en náðum ekki að setja bolt­ann í netið. Þeir skora svo tvö mörk. Að öðru leyti ógnuðu þeir mark­inu okk­ar lítið og þetta er svekkj­andi niðurstaða.

Mér fannst spila­mennsk­an góð. Ég er ánægður með svarið frá síðasta leik, þar sem við vor­um ekki góðir. Ég held all­ir geti verið sam­mála því að fyrsta markið kem­ur gegn gangi leiks­ins. Mörk breyta leikj­um. Þeir skoruðu og við ekki.“

Fyrra mark Vals kom úr víti á meðan Aft­ur­eld­ing vildi oft­ar en einu sinni fá víti hinum meg­in.

„Við erum ósátt­ir. Við fáum stóra dóma á móti okk­ur í dag að mínu mati. Það fór ekki með leik­inn. Auðvitað má ræða þátt dóm­ar­anna en það mega aðrir gera það,“ sagði Magnús.

Aft­ur­eld­ing er í 11. sæti, fallsæti, eft­ir leik­inn en Magnús er ekki að stressa sig á því eft­ir níu um­ferðir.

„Fyrsti hálf­tím­inn var með því betra sem við höf­um sýnt í sum­ar. Það eru níu leik­ir bún­ir af 27. Við skoðum hvernig þetta verður seint í októ­ber,“ sagði Magnús Már.

• Blogga um frétt