„Í rauninni töpuðum við tveimur stigum“

„Manni líður eins og maður hafi tapað og í raun­inni töpuðum við tveim­ur stig­um. Þetta var mjög svekkj­andi,“ sagði Svein­dís Jane Jóns­dótt­ir, marka­skor­ari Íslands í 1:1-jafn­tefli gegn Nor­egi í Þjóðadeild­inni í knatt­spyrnu í kvöld, í sam­tali við RÚV.

Þor­steinn Hall­dórs­son landsliðsþjálf­ari sagði í sam­tali við RÚV eft­ir leik að fyr­ir fram hefði Ísland þegið þessi úr­slit. Spurð hvort hún væri sam­mála því sagði Svein­dís Jane:

„Svona já og nei. Við vit­um al­veg hversu sterkt þetta norska lið er en við vilj­um auðvitað fara í alla leiki til þess að vinna. Ég hugsaði bara að við mynd­um taka þrjú stig. Það er mjög svekkj­andi að fá á okk­ur mark í lok­in og ná ekki að halda út.“

Frétt af mbl.is

Jafnt hjá Íslandi í Þránd­heimi

Kannski ekki nógu vel gert

Hún var sér­stak­lega ánægð með fyrri hálfleik­inn hjá ís­lenska liðinu en ekki jafn ánægð með þann síðari.

„Mér fannst við koma mjög sterk­ar til leiks. Við byrjuðum leik­inn vel. Við gerðum, það ekki á móti Sviss síðast þannig að við hömruðum svo­lítið á því að við þyrft­um að byrja frá byrj­un. Við skor­um mjög snemma og höld­um svo áfram út all­an fyrri hálfleik­inn.

Ég veit ekki al­veg hvað ger­ist í seinni. Þær kom­ast vel inn í leik­inn, byrja vel og af krafti og henda okk­ur eig­in­lega bara niður. Ég veit ekki al­veg af hverju þetta fór svona í seinni hálfleik,“ sagði Svein­dís Jane.

Ísland fékk fleiri færi til þess að skora og þar á meðal átti hún hættu­lega hæl­spyrnu stund­ar­fjórðungi fyr­ir leiks­lok sem fór rétt fram­hjá marki norska liðsins.

„Ég bara hugsaði að ég hefði átt að senda bolt­ann niður, ég veit ekki hvort ein­hver hafi verið laus niðri því ég leit ekki upp. Ég hefði átt að gera það. Maður skor­ar nú ekki oft svona mörk þannig að þetta var kannski ekki nógu vel gert,“ sagði Svein­dís Jane hrein­skil­in um færið.

• Blogga um frétt