Svekkjandi að fá bara eitt stig

„Það var ótrú­lega svekkj­andi að fá bara eitt stig úr þess­um leik. Mér fannst við eiga skilið þrjú,“ sagði Cecil­ía Rán Rún­ars­dótt­ir, markvörður Íslands í knatt­spyrnu, í sam­tali við RÚV eft­ir jafn­tefli gegn Nor­egi í Þránd­heimi í kvöld.

„Mér fannst leik­ur­inn flott­ur. Mér fannst við vera betri í öll­um ná­vígj­um og verj­ast ótrú­lega vel. Við vor­um að skapa mikið af fær­um, það vantaði bara að skora fleiri mörk.

Eitt mark á kannski að vera nóg hjá ís­lenska landsliðinu en það er nátt­úr­lega þægi­legra að skora fleiri og geta þá slakað aðeins á,“ sagði Cecil­ía Rán.

Frétt af mbl.is

Jafnt hjá Íslandi í Þránd­heimi

Ísland hef­ur nú gert fjög­ur jafn­tefli í fimm leikj­um í A-deild Þjóðadeild­ar­inn­ar. Spurð hvort hún hefði áhyggj­ur af því að liðið geti ekki klárað leiki með sigri sagði Cecil­ía Rán:

„Nei, svo sem ekki. Við höf­um bara verið óheppn­ar með að klára ekki fær­in okk­ar en þegar það kem­ur koma sigr­arn­ir með.“

Hefði mátt verja í mark­inu

Hún sagði að sér hefði liðið vel í leikn­um og væri ánægð með að hafa spilað reglu­lega und­an­farið ár.

„Mér leið ótrú­lega vel í leikn­um, ég hefði bara mátt verja í mark­inu þeirra. Það er gott að vera far­in loks­ins að spila og fá traustið.

Ég er búin að spila nokkra leiki í röð í landsliðinu og far­in að venj­ast því að spila með þess­um leik­mönn­um. Svo er nátt­úr­lega ótrú­lega gott að fá Gló­dísi inn. Það hjálp­ar mjög mikið og mér líður ótrú­lega vel.“

• Blogga um frétt