Eyjamenn fóru illa með ÍA á Akranesi

ÍBV hafði bet­ur gegn ÍA, 3:0, í tí­undu um­ferð Bestu deild­ar karla í knatt­spyrnu á heima­velli ÍA á Akra­nesi í kvöld. 

Þetta var ann­ar sig­ur Eyja­manna í röð sem eru komn­ir með 14 stig í sjötta sæti deild­ar­inn­ar. ÍA er aft­ur á móti í neðsta sæti með níu. 

Alex Freyr Hilm­ars­son kom ÍBV yfir á 40. mín­útu. Þá gaf Vicente Val­or send­ingu fyr­ir á Alex sem smellti hon­um viðstöðulaust á lofti og í nær­hornið, 0:1. 

Annað mark Eyja­manna var glæsi­legt. Þá fékk Sverr­ir Páll Hjaltested bolt­inn við miðju, horfði upp og sá að Árni Marinó Ein­ars­son var ekki á lín­unni. Sverr­ir lét bara vaða og bolt­inn hafnaði glæsi­lega í net­inu, 0:2. Eitt af bestu mörk­um tíma­bils­ins. 

Vicente Val­or úr ÍBV með bolt­ann. Hauk­ur Andri Har­alds­son verst. Ljós­mynd/​Guðmund­ur Bjarki

Sverr­ir Páll bætti síðan við sínu öðru marki á 84. mín­útu leiks­ins. Þá var alls kyns vesen í varn­ar­leik ÍA og bolt­inn barst til Arn­ars Breka Gunn­ars­son hægra meg­in í teign­um. Hann sendi síðan bolt­ann á Sverri sem skaut í fyrsta yfir Árna Marinó og í netið, 0:3.

ÍBV fær Breiðablik í heim­sókn eft­ir lands­leikja­hléið en ÍA heim­sæk­ir Aft­ur­eld­ingu. 

ÍA	0:3	ÍBV	Opna lýs­ingu Loka
90. mín. Gabrí­el Snær Gunn­ars­son (ÍA) á skot sem er varið Í fínu færi en hitt­ir bolt­ann illa.
Augna­blik — sæki gögn...

• Blogga um frétt