„Þetta var bara sorglegt“

„Við vor­um í raun áhorf­end­ur í þess­um leik,“ sagði Jón Þór Hauks­son þjálf­ari ÍA eft­ir slæmt tap sinna manna fyr­ir ÍBV, 3:0, í tí­undu um­ferð Bestu deild­ar­inn­ar í knatt­spyrnu á Akra­nesi í kvöld. 

ÍA er í botnsæti deild­ar­inn­ar með níu stig eft­ir tíu leiki. 

„Þetta var hörmu­leg frammistaða og ég óska ÍBV til ham­ingju með verðskuldaðan og alltof auðveld­an sig­ur. 

Það vantaði allt í okk­ar leik í kvöld. Við vörðumst og sótt­um illa og vor­um í raun áhorf­end­ur í þess­um leik frá upp­hafi til enda. 

Mér fannst við byrja þenn­an leik hræðilega, það var mikið and­leysi og við vor­um of hrædd­ir við að taka áhættu. Því fór sem fór og Eyja­menn fengu blóðbragð á tenn­urn­ar strax í upp­hafi leiks og gengu á lagið,“ sagði Jón Þór í sam­tali við mbl.is eft­ir leik. 

Frétt af mbl.is

Eyja­menn fóru illa með ÍA á Akra­nesi

Menn réðu ekki við það 

Frammistaða Skaga­manna kem­ur ef­laust mörg­um á óvart en þeir unnu Íslands­meist­ara Breiðabliks, 4:1, á úti­velli á fimmtu­dag­inn var. Jón Þór tel­ur að hug­ar­farið verði að vera betra.

„Þetta hlýt­ur að vera hug­ar­fars­legt atriði. Það var bú­inn að vera stíg­andi í okk­ar leik og við átt­um frá­bær­an leik á fimmtu­dag­inn en menn virt­ust ekki ráða við það á neinn hátt.

Það er bara sorg­legt að menn mættu ekki til leiks í kvöld. Við feng­um gott tæki­færi til að koma inn í deild­ina en vor­um eng­an veg­inn til­bún­ir í þann slag.“

Oli­ver Stef­áns­son fór meidd­ur af velli í fyrri hálfleik en Jón Þór býst ekki við að það hafi verið al­var­legt.  

„Hann fær fína pásu og ég reikna ekki með öðru en að hann nái að jafna sig í henni og verði klár í næsta leik.“ 

„Við verðum að gera það og leggja hart að okk­ur til að koma okk­ur út úr þess­ari stöðu sem við höf­um komið okk­ur í. Við kom­um okk­ur í hana sjálf­ir og nú þarf að moka sig upp úr því,“ bætti Jón Þór við þegar spurður út í hvað Skaga­menn þurfi að gera eft­ir lands­leikja­hléið. 

• Blogga um frétt