KA situr hjá í fyrstu umferðinni

Bikar­meist­ar­ar KA sitja hjá í fyrstu um­ferð Sam­bands­deild­ar karla í fót­bolta í næsta mánuði en þetta hef­ur verið end­an­lega staðfest.

Ísland hef­ur hækkað á styrk­leikalista evr­ópskra fé­lagsliða vegna góðs ár­ang­urs ís­lensku liðanna und­an­far­in ár og það skil­ar Ak­ur­eyr­arliðinu í þessa stöðu sem bikar­meist­ur­um. Íslenskt lið hef­ur aldrei áður setið hjá í fyrstu um­ferð.

Hin tvö ís­lensku liðin í keppn­inni, Vík­ing­ur og Val­ur, fara hins veg­ar í fyrstu um­ferð keppn­inn­ar.

KA verður í neðri styrk­leika­flokki en í stór­um hópi liða sem Ak­ur­eyr­arliðið get­ur mætt eru Norður­landalið eins og Rosen­borg, Vik­ing Stavan­ger, Brönd­by og Sil­ke­borg, sem og Rapid Vín, Sparta Prag, Hajduk Split, AEK Aþena, Dundee United og AZ Alk­ma­ar, svo ein­hver séu nefnd.

Í fyrstu um­ferðinni verða Vík­ing­ar í efri styrk­leika­flokki en Vals­menn í neðri styrk­leika­flokki.

Mögu­leg­ir mót­herj­ar Vík­ings eru frá Andorra, Hvíta-Rússlandi, Lett­landi, Gíbralt­ar, Georgíu, San Marínó, Bosn­íu, Norður-Írlandi, Möltu, Lúx­em­borg, Norður-Makedón­íu, Kósóvó, Finn­landi, Fær­eyj­um, Litáen, Eistlandi, Alban­íu og Wales.

Mögu­leg­ir mót­herj­ar Vals eru frá Írlandi, Bosn­íu, Finn­landi, Eistlandi, Fær­eyj­um, Armen­íu, Rúm­en­íu, Norður-Írlandi, Lúx­em­borg, Alban­íu, San Marínó, Svart­fjalla­landi, Litáa­en, Kasakst­an, Möltu, Slóven­íu, Armen­íu, Hvíta-Rússlandi og Georgíu.

Dregið verður til 1. um­ferðar 17. júní og til 2. um­ferð sól­ar­hring síðar.

• Blogga um frétt