Ætlum okkur sigra á EM

Hlín Ei­ríks­dótt­ir var svekkt eft­ir tap ís­lenska landsliðsins gegn því franska í Þjóðadeild­inni í fót­bolta á Laug­ar­dals­velli í kvöld. Loka­töl­ur urðu 2:0 en franska liðið skoraði bæði mörk­in í seinni hálfleik.

Frétt af mbl.is

Tap gegn Frakklandi og Ísland í um­spil

„Okk­ar leik­ur er ólík­ur þeirra leik. Þær voru meira með bolt­ann og ýttu okk­ur svo­lítið aft­ar­lega í seinni hálfleik. Við vörðumst því vel og þær voru ekki að skapa mikið. Við miss­um svo augna­blikið í tveim­ur at­vik­um og það er ógeðslega svekkj­andi.

Auðvitað aukast lík­urn­ar á að skora ef við erum meira með bolt­ann. Við feng­um samt okk­ar færi og hefðum á góðum degi alla­vega sett eitt mark. Það var erfitt í seinni hálfleik með vind­inn í fang­inn og erfitt að reikna bolt­ann. Þetta var samt eins fyr­ir bæði lið,“ sagði Hlín um leik­inn við mbl.is.

Leik­ur­inn var sá fyrsti á nýju grasi á Laug­ar­dals­velli og Hlín sagði völl­inn lofa ansi góðu.

„Þetta er ógeðslega gott gras og ég hef aldrei verið á svona góðu grasi á Íslandi. Það var gam­an og gott fyr­ir okk­ur sem lið að vera kom­in á svona völl,“ sagði hún.

Ísland hef­ur nú leikið tíu leiki í röð án þess að vinna. Hlín vill breyta því á loka­móti EM í næsta mánuði.

„Það er ekk­ert sem við ræðum inn­an hóps­ins. Okk­ur er samt farið að þyrsta í sig­ur. Við ætl­um okk­ur að ná í sigra á EM,“ sagði Hlín.

• Blogga um frétt