Ísland nýtti ekki liðsmuninn í Belfast

Íslenska karla­landsliðið í fót­bolta mátti þola tap, 1:0, á úti­velli gegn Norður-Írlandi í vináttu­lands­leik í kvöld. Íslenska liðið var manni fleiri stór­an hluta seinni hálfleiks en tókst ekki að jafna.

Leik­ur­inn fór ró­lega af stað en Ísland fékk fínt færi á 23. mín­útu þegar Jón Dag­ur Þor­steins­son skaut fram­hjá úr teign­um eft­ir góðan und­ir­bún­ing hjá Andra Lucasi Guðjohnsen.

Arn­ór Ingvi Trausta­son í bar­áttu á miðjunni í kvöld. Ljós­mynd/​Alex Nicodim

Ísland var meira með bolt­ann næstu mín­út­ur en illa gekk að skapa sér færi. Það voru svo heima­menn sem komust yfir á 36. mín­útu þegar Isaac Price skilaði bolt­an­um í blá­hornið fjær utan teigs eft­ir að Arn­ór Ingvi Trausta­son missti bolt­ann á hættu­leg­um stað.

Ronan Hale var ná­lægt því að tvö­falda for­skotið í upp­bót­ar­tíma fyrri hálfleiks en hann setti bolt­ann í stöng­ina af stuttu færi. Var staðan í hálfleik því 1:0 og ís­lenska liðið fékk lítið af fær­um.

Al­bert Guðmunds­son með bolt­ann á miðjunni í kvöld. Ljós­mynd/​Alex Nicodim

Et­h­an Gal­braith og Ronan Hale voru báðir ná­lægt því að skora á 56. mín­útu. Fyrst skallaði Gal­braith rétt fram­hjá úr teign­um og Hale komst inn í bolt­ann eft­ir slaka send­ingu til baka frá Daní­el Leó Grét­ars­syni en hitti ekki á markið.

Það dró til tíðinda nokkr­um and­ar­tök­um seinna þegar Há­kon Arn­ar Har­alds­son var við það að sleppa í gegn en Brodie Spencer tók hann niður og fékk rautt spjald að laun­um.

Byrj­un­arlið Íslands í Belfast í kvöld. Ljós­mynd/​Alex Nicodim

Íslenska liðið ætlaði að nýta sér liðsmun­inn og Andri Lucas átti góðan skalla að marki á 67. mín­útu en marka­skor­ar­inn Price bjargaði á línu.

Þrem­ur mín­út­um síðar fékk Daniel Ball­ard kjörið tæki­færi til að koma heima­mönn­um í 2:0 en hann skallaði yfir af stuttu færi. Tveim­ur mín­út­um síðar átti varamaður­inn Kristian Nökkvi Hlyns­son skot rétt fram­hjá úr teign­um.

Logi Tóm­as­son að hita upp á Windsor Park í kvöld. Hann kem­ur inn í vinstri bakv­arðar­stöðuna í staðinn fyr­ir Mika­el Egil Ell­erts­son. Ljós­mynd/​Alex Nicodim

Íslenska liðið fékk svo tvö góð færi til að jafna í upp­bót­ar­tíma. Fyrst átti Ísak Berg­mann Jó­hann­es­son skalla að marki sem Pierce Char­les gerði vel í að verja og síðan skallaði Andri Lucas fram­hjá og þar við sat.

Norður-Írland	1:0	Ísland	Opna lýs­ingu Loka
90. mín. Það verða að minnsta kosti fjór­ar mín­út­ur í upp­bót­ar­tíma.
Augna­blik — sæki gögn...

• 1 blogg um frétt­ina

Bloggað um frétt­ina

• Torfi Kristján Stef­áns­son: Skelfi­legt!