Með gæsahúð allan tímann

Sunn­eva, sem er 28 ára göm­ul, gekk til liðs við danska fé­lagið í nóv­em­ber á síðasta ári en fé­lagið var stofnað síðasta sum­ar og hóf leik í dönsku C-deild­inni.

Sunn­eva hóf meist­ara­flokks­fer­il­inn á Sel­fossi en gekk til liðs við FH árið 2021 og lék með liðinu í þrjú tíma­bil. Þaðan lá leiðin til Dan­merk­ur þar sem hún samdi við úr­vals­deild­arlið AGF í janú­ar árið 2024 en hún lék með liðinu seinni hluta tíma­bils­ins 2023-24 áður en hún samdi við FC Kö­ben­havn.

„Mér lík­ar lífið hérna í Dan­mörku mjög vel og mér og kær­ast­an­um mín­um líður ótrú­lega vel í Kaup­manna­höfn,“ sagði Sunn­eva í sam­tali við Morg­un­blaðið.

„Kærast­inn minn var á leið í meist­ara­nám í Dan­mörku og þess vegna ákvað ég að flytja út á sín­um tíma. Ég var óhepp­in með meiðsli hjá AGF og ákvað eft­ir síðasta tíma­bil að breyta aðeins til. Við ákváðum að flytja til Kaup­manna­hafn­ar og í nóv­em­ber á síðasta ári skrifaði ég und­ir samn­ing við FCK.

Danska knatt­spyrnu­sam­bandið setti á lagg­irn­ar nýj­ar regl­ur sem kveða á um það að öll liðin í efstu deild karla verði að vera með kvennalið líka. FCK keypti danska kvennaliðið Damsö, sem þá var í C-deild­inni, síðasta sum­ar og þess vegna byrjuðum við í C-deild­inni á þess­ari leiktíð,“ sagði Sunn­eva.

Eiga er­indi í efstu deild

FCK vann yf­ir­burðasig­ur í dönsku C-deild­inni fyr­ir ára­mót og fór því í um­spil eft­ir ára­mót ásamt fjór­um neðstu liðunum í dönsku B-deild­inni um sæti í B-deild­inni á kom­andi keppn­is­tíma­bili þar sem FCK tryggði sér sæti í B-deild­inni þegar þrem­ur um­ferðum var ólokið.

„Ég hef ekki mikla reynslu af C-deild­inni þar sem ég kem í raun inn í liðið rétt áður en keppni í um­spilsriðlin­um hefst. Við höf­um hins veg­ar náð í góð úr­slit á tíma­bil­inu og við gerðum meðal ann­ars tví­veg­is jafn­tefli við Fort­una Hjörr­ing, topplið úr­vals­deild­ar­inn­ar, í undanúr­slit­um bik­ar­keppn­inn­ar. Báðum leikj­un­um lauk með jafn­tefli, 1:1, en þær höfðu svo bet­ur í fram­leng­ingu. Það var gríðarlega svekkj­andi tap og allt það en sýndi okk­ur á sama tíma að við eig­um klár­lega er­indi í efstu deild, sem er að sjálf­sögðu mark­mið fé­lags­ins.“

FCK hafði bet­ur gegn Næst­ved í um­spilsriðli 1. deild­ar­inn­ar á sunnu­dag­inn síðasta, 2:1, þar sem Sunn­eva lagði upp fyrra mark liðsins. Alls mættu 18.096 áhorf­end­ur á leik­inn sem fram fór á Par­ken í Kaup­manna­höfn, sem er met á dönsk­um fé­lagsliðal­eik kvenna og það næst­mesta í sögu danska kvenna­bolt­ans, en um 21.500 manns mættu á vináttu­lands­leik Dan­merk­ur og Bras­il­íu fyr­ir loka­keppni EM 2022.

Viðtalið við Sunn­evu Hrönn má lesa í heild sinni á íþrótt­asíðum Morg­un­blaðsins í dag.