„Rosa stutt leið að titli“

„Mér líst ágæt­lega á þetta. Auðvitað hefðum við viljað fá heima­leik en okk­ur gekk vel á móti þeim síðast þannig að ég er bara spennt fyr­ir þessu,“ sagði Arna Ei­ríks­dótt­ir, fyr­irliði FH í knatt­spyrnu, um leik liðsins gegn Þór/​KA í átta liða úr­slit­um bik­ar­keppn­inn­ar í dag.

Leik­ur­inn fer fram í Bog­an­um á Ak­ur­eyri og hefst klukk­an 17.30.

„Ég býst við hörku­leik eins og er yf­ir­leitt. Ef hann verður inni í Bog­an­um veit ég að þeim mun líða mjög vel þar. Við þurf­um að mæta mjög vel und­ir­bún­ar. Þetta eru mjög ólík lið en alltaf hörku­leik­ir þegar við spil­um á móti þeim,“ sagði Arna er dregið var í höfuðstöðvum KSÍ í síðasta mánuði.

Hefði viljað heima­leik

Spurð hvort hún hefði held­ur viljað sleppa við að spila við Bestu deild­ar lið sagði Arna: „Nei, nei ekk­ert endi­lega. Þór/​KA er bara eins fínt og hvert annað lið í þess­um drætti. Það er aðallega það að maður vill fá heima­leik.

Sér­stak­lega þegar það bæt­ist við ferðalag þegar það er spilað frek­ar þétt. Við þurf­um bara að tækla það.“

FH hef­ur byrjað frá­bær­lega í Bestu deild­inni og er þar með 19 stig í þriðja sæti, þrem­ur stig­um á eft­ir toppliði Þrótt­ar.

Stefn­ir FH alla leið í bik­arn­um?

„Við hugs­um þetta eins og deild­ar­leik­ina, það er bara einn leik­ur í einu, en við stefn­um á að fara alla leið í þess­um bik­ar. Þetta er rosa stutt leið að titli þannig að það hljóta all­ir að vera að stefna að því að vinna þenn­an bik­ar. FH er alls ekki und­an­skilið þar.“

• Blogga um frétt