Öruggur sigur og HK í annað sætið

HK vann ör­ugg­an sig­ur á Fjölni, 3:0, í 1. deild karla í knatt­spyrnu í Kórn­um í kvöld.

HK er því komið í annað sæti deild­ar­inn­ar með 14 stig en Fjöln­ir sit­ur eft­ir á botn­in­um með 3 stig og hef­ur ekki unnið leik.

HK náði und­ir­tök­um gegn Fjölni eft­ir 20 mín­útna leik þegar Brynj­ar Snær Páls­son skoraði eft­ir góðan und­ir­bún­ing Tuma Þor­vars­son­ar og Dag­ur Orri Garðars­son bætti við marki mín­útu síðar, einnig eft­ir send­ingu Tuma, og staðan var skyndi­lega 2:0.

Snorri Þór Stef­áns­son kom í veg fyr­ir að HK færi með þriggja marka for­skot í leik­hléið þegar hann varði víta­spyrnu Dags Orra und­ir lok fyrri hálfleiks.

Birn­ir Breki Burkna­son inn­siglaði svo sig­ur HK á 90. mín­útu eft­ir góða sókn HK og send­ingu Brynj­ars Snæs frá vinstri, 3:0.

• Blogga um frétt