Trúi því að júlí verði okkur fengsæll

Þor­steinn Hall­dórs­son, þjálf­ari ís­lenska kvenna­landsliðsins í knatt­spyrnu, kveðst ánægður með þró­un­ina á liðinu und­an­far­in ár er hann und­ir­býr það fyr­ir þátt­töku á Evr­ópu­móti í annað sinn und­ir sinni stjórn.

„Já, já. 2024 átt­um við frá­bært ár. Við unn­um frá­bæra sigra og átt­um líka frá­bæra leiki, eins og á móti Banda­ríkj­un­um. Síðan kem­ur svona smá rót á hóp­inn vegna meiðsla og ann­ars, sem hef­ur ein­hver áhrif. En við höf­um líka sýnt mjög góða frammistöðu.

Okk­ur hef­ur aðeins vantað upp á að reka enda­hnút­inn til að klára leiki með sigr­um. Ég trúi því að þeir komi núna í næsta mánuði og að júlí­mánuður 2025 verði okk­ur feng­sæll,“ sagði Þor­steinn í sam­tali við mbl.is eft­ir frétta­manna­fund í höfuðstöðvum Icelanda­ir í dag.

Frétt af mbl.is

Þor­steinn til­kynnti loka­hóp­inn fyr­ir EM

EM 2025 hefst í byrj­un næsta mánaðar þar sem Ísland er í riðli með gest­gjöf­um Sviss, Nor­egi og Finn­landi.

Sjá­um von­andi já­kvæð teikn á lofti

Á EM 2022 á Englandi tókst Íslandi ekki að kom­ast upp úr riðlin­um sín­um þrátt fyr­ir að hafa farið tap­laust í gegn­um hann. Þrjú jafn­tefli urðu niðurstaðan sem reynd­ist ekki nóg til að fara áfram.

Dreg­ur þú ein­hvern lær­dóm af mót­inu 2022 sem þú get­ur nýtt þér fyr­ir mótið í ár?

„Já, al­gjör­lega. Það var bæði í aðdrag­anda og þegar komið var í mótið að maður lærði fullt af þessu. Sá lær­dóm­ur sem ég dró af þessu mun von­andi bara nýt­ast mér. Það er ým­is­legt sem við erum búin að gera í aðdrag­anda móts­ins núna.

Und­ir­bún­ing­ur­inn okk­ar er bú­inn að vera öðru­vísi, betri, og svo von­andi inni á mót­inu sjá­um við já­kvæð teikn á lofti um að við séum að standa okk­ur og gera hlut­ina ennþá bet­ur en síðast,“ sagði hann.

• Blogga um frétt