Tíu Þróttarar sóttu sigur á Selfossi

Þrótt­ur vann góðan 2:0-sig­ur gegn Sel­fossi í 1. deild karla í knatt­spyrnu á Sel­fossi í dag.

Þrótt­ur sit­ur í þriðja sæti deild­ar­inn­ar með 14 stig en Sel­foss er í næst­neðsta sæti með sex stig.

Unn­ar Steinn Ingvars­son kom Þrótti yfir á 38. mín­útu og var staðan 1:0, gest­un­um í vil í hálfleik.

Á 59. mín­útu tvö­faldaði Vil­hjálm­ur Kal­dal Sig­urðsson for­ystu Þrótt­ar með glæsi­legri bak­falls­spyrnu. Fyr­irliði Þrótt­ar, Bald­ur Hann­es Stef­áns­son, var rek­inn af velli á 64. mín­útu þegar hann fékk sitt annað gula spjald.

Þrátt fyr­ir að vera manni færri hélt Þrótt­ur út og vann góðan 2:0-sig­ur.

Þrjú rauð spjöld á Húsa­vík

Tvö rauð spjöld fóru á loft í 1:1-jafn­tefli Völsungs og Kefla­vík­ur á Húsa­vík í dag. Kefla­vík er í fimmta sæti með 11 stig en Völsung­ur er í átt­unda sæti með 10 stig.

Jakob Héðinn Ró­berts­son kom heima­mönn­um yfir á 40. mín­útu sem voru með 1:0-for­ystu í hálfleik.

Á 59. mín­útu fékk Mar­in Brigic leikmaður Kefla­vík­ur að líta rauða spjaldið. Aðeins sjö mín­út­um síðar braut Inigo Ali­bzuri Arruti, leikmaður Völsungs, í sín­um eig­in teig og benti Tw­ana Khalid Ah­med, dóm­ari leiks­ins, á punkt­inn.

Arruti fékk sitt annað gula spjald og þar með rautt fyr­ir brotið. Stef­an Lju­bicic fór á punkt­inn og jafnaði met­in fyr­ir Kefla­vík, 1:1.

Völsung­ur endaði leik­inn með níu menn á vell­in­um en Gunn­ar Kjart­an Torfa­son fékk í upp­bót­ar­tíma leiks­ins sitt annað gula spjald og þar með rautt.

• Blogga um frétt