Voru mikið að henda sér niður

„Við vor­um sjálf­um okk­ar verst­ir í dag,“ sagði Sr­djan Tufegdzic þjálf­ari Vals í sam­tali við mbl.is eft­ir tap, 3:2, fyr­ir Stjörn­unni í 11. um­ferð Bestu deild­ar karla í fót­bolta í kvöld.

„Öll mörk Stjörn­unn­ar koma eft­ir að við töp­um bolt­an­um á slæm­um stöðum. Þeir eru góðir í að refsa. Mér fannst við vera með leik­inn í okk­ar hönd­um í stöðunni 1:1 og það var svekkj­andi að fá mark á okk­ur sem breytti þessu okk­ur í hag. Við minnk­um svo í 3:2 og þá er meðbyr­inn okk­ar en þá fáum við rautt spjald.

Þeir eru sér­stak­lega góðir í byrj­un leikja og við átt­um ekki svör. Þeir voru að finna opn­an­ir og þetta var erfiður kafli fyr­ir okk­ur. Eft­ir að þeir komust yfir sner­ist þetta okk­ur í hag. Þeir byrjuðu bet­ur í seinni en svo tök­um við leik­inn aft­ur yfir. Þeir komust samt í 3:1 sem var erfið staða,“ sagði hann um leik­inn.

Vals­menn fagna enn einu mark­inu hjá Patrcik Peder­sen í kvöld. mbl.is/Ó​laf­ur Árdal

Bjarni Mark Duffield hjá Val fékk beint rautt spjald tveim­ur mín­út­um eft­ir að Pat­rick Peder­sen minnkaði mun­inn í 3:2 og það hægði á Vals­mönn­um.

„Ég hef ekki séð at­vikið aft­ur en okk­ur á bekkn­um fannst Örvar hlaupa á Bjarna og henda sér niður. Þeir gerðu það oft í leikn­um. Þeir voru að biðja um víti og annað en ég þarf að sjá þetta bet­ur. Ég ræði yf­ir­leitt ekki um dóm­ar­ana en þeir voru of mikið að henda sér niður og von­andi hætta þeir því í næsta leik.“

Pat­rick Peder­sen skoraði bæði mörk Vals í kvöld. Hann er kom­inn með ell­efu mörk í ell­efu leikj­um á tíma­bil­inu og 127 mörk í efstu deild. Hann er aðeins fjór­um mörk­um frá Tryggva Guðmunds­syni, marka­hæsta leik­manni efstu deild­ar frá upp­hafi.

„Það er heiður fyr­ir mig að þjálfa mann­eskju og leik­mann eins og Pat­rick. Hann ger­ir allt 100 pró­sent og þá upp­sker maður yf­ir­leitt. Hann er mik­ill Valsmaður. Ég tek hatt minn ofan fyr­ir hon­um,“ sagði Túfa.

• Blogga um frétt