„Svekkjandi að fá annað markið í andlitið“

Síðustu tíu dag­ar hafa verið hálf martraðar­kennd­ir fyr­ir Þór/​KA. Á þeim tapaði liðið þrem­ur mik­il­væg­um leikj­um, tveim­ur í deild og ein­um í bik­ar. Lið norðan­k­venna er því fallið úr leik í bik­ar­keppn­inni og er nú sjö stig­um á eft­ir toppliðunum þrem­ur í Bestu deild­inni í knatt­spyrnu, Breiðabliki, FH og Þrótti.

Í dag tapaði Þór/​KA 2:0 á heima­velli sín­um í Bog­an­um gegn Breiðabliki þar sem gest­irn­ir voru tölu­vert betra liðið. Sandra María Jessen, fyr­irliði Þórs/​KA, var að von­um svekkt með afrakst­ur síðustu leikja en sá þó eitt­hvað bjart framund­an.

Frétt af mbl.is

Breiðablik í topp­sætið

„Auðvitað fer það í haus­inn á manni að tapa leikj­um. Það er samt sem áður margt já­kvætt sem við get­ur skoðað úr leikn­um í dag. Ef við horf­um á leik­inn í heild sinni og sér­stak­lega seinni hálfleik­inn þá vor­um við ekk­ert síðri aðil­inn. Við sköpuðum okk­ur færi en náðum því miður ekki að koma bolt­an­um inn.

Á sama tíma erum við að fá full auðveld mörk á okk­ur, líka of mörg mörk á okk­ur í leikj­um. Þá er erfiðara að klára leiki. Núna stefn­ir í langt hlé á deild­inni og þá er tími til að vinna með ým­is­legt sem má laga eða bæta. Það er nátt­úru­lega einn leik­ur fram að þessu hléi og við ætl­um okk­ur að vinna hann.“

Ykk­ur hafði gengið frek­ar vel í sum­ar, fram að þess­um þrem­ur tap­leikj­um.

„Vissu­lega en samt horf­ir maður í aðra leiki sem voru fín­ir en gáfu okk­ur eng­in stig. Svo lengi sem við náum ekki í úr­slit þá get­um við ekki verið ánægðar. Okk­ur finnst við eiga að vera bún­ar að safna fleiri stig­um en við höf­um gert, svona miðað við frammistöður.“

Þið voruð í brasi fyrstu tutt­ugu mín­út­urn­ar í leikn­um og lentuð 1:0 und­ir. Svo virt­ust þið vera að kom­ast inn í leik­inn og bún­ar að ná átt­um þegar Breiðablik skor­ar aft­ur. Það var þungt.

„Breiðablik er bara með gæðal­eik­menn sem eru með gott auga fyr­ir send­ing­um í gegn og á fría menn í góðum stöðum. Það  Við hefðum getað jafnað og það var kom­inn meðbyr hjá okk­ur og því mjög svekkj­andi að fá annað markið í and­litið.“

Nú ert þú að halda upp á tíu ára út­skrift­araf­mæli með ár­gangn­um þínum úr MA. Það hef­ur ekk­ert truflað í dag?

„Nei alls ekki. Maður er orðinn það gam­all og veit hvað skipt­ir máli og hvað ekki. Það er gam­an að taka þátt í því. Það var fyrst og fremst leik­ur­inn sem var ein­blínt á. Nú verð ég bara að sleikja sár­in og fara með Heiðu Ragn­eyju úr Blikaliðinu að fagna með tíu ára stúd­ent­un­um.

Það er kannski ekki það besta að fara að gera eitt­hvað skemmti­legt með henni eft­ir að hafa tapað leikn­um. Til að spila næsta leik vel þá er gott að ná sér and­lega og ég held að það sé kannski bara best að dreifa hug­an­um og geta eitt­hvað skemmti­legt,“ sagði Sandra María að lok­um.

• Blogga um frétt