„Veit ekki með það“

Vestri tók á móti Þór frá Ak­ur­eyri í átta liða úr­slit­um bik­ar­keppni karla í fót­bolta á Ísaf­irði í dag. Leik­ur­inn endaði með 2:0 sigri Vestra. Davíð Smári Lamu­de þjálf­ari Vestra mætti í viðtal og var spurður út í fyrstu viðbrögð eft­ir leik.

„Ég er ánægður að vera kom­inn áfram. Bik­ar­inn er svona læti í lok­in, skemmti­leg orka og bik­ar­andi. Frá­bær fyrri hálfleik­ur hjá okk­ur og mjög svona fag­mann­legt hjá okk­ur. Mér fannst við hrika­lega góðir í fyrri hálfleik en í seinni alls ekki nægi­lega góðir, svona er þetta bara.

Við spil­um á móti sterku Þórs-liði. Þetta er vel þjálfað lið sem hef­ur engu að tapa hérna í dag. Þeir lentu 2:0 und­ir og henda ein­hvern veg­inn öllu í and­litið á okk­ur. Við þurft­um bara að hafa aðeins fyr­ir hlut­un­um, og mér finnst það gott fyr­ir fram­haldið,“ sagði hann.

Er þá ekki hægt að segja að þetta hafi verið fag­mann­leg frammistaða?

„Jú, sér­stak­lega í fyrri hálfleik og vissu­lega heilt yfir fag­mann­legt. Það er hins veg­ar erfitt að eiga við öll lið þegar þau hafa engu að tapa. Þau fyll­ast af orku og krafti og ég ef­ast ekki um að Siggi hafi sagt vel val­in orð inn í klefa í hálfleik,“ sagði Davíð Smári.

Þetta er ann­ar leik­ur­inn í röð sem Vestra liðið dett­ur niður í seinni hálfleik. Hef­ur þú áhyggj­ur af þessu?

„Veld­ur mér áhyggj­um, veit ekki með það. Málið er að liðinu mínu líður ofboðslega vel að verj­ast og auðvitað er ekki planið að falla svona djúpt. Leik­menn eru al­veg meðvitaðir um það en það er ekki eins og Þórsarn­ir óðu í fær­um hérna í dag. Þannig að mönn­um leið bara þokka­lega að vera svona djúpt í dag,“ sagði hann.

Nú er bara einn leik­ur í Laug­ar­dalsvöll­inn, þú hlýt­ur að vera bjart­sýnn á að kom­ast þangað?

„Ég er bara að hugsa um FH á sunnu­dag­inn, ég leyfi mér ekki að hugsa lengra en það,“ sagði Davíð Smári að lok­um.

• Blogga um frétt