Systurnar sáu um Hauka

Syst­urn­ar Kara og Katla Guðmunds­dæt­ur voru báðar á skot­skón­um þegar KR gerði góða ferð í Hafn­ar­fjörðinn og vann Hauka 3:2 í átt­undu um­ferð 1. deild­ar­inn­ar í knatt­spyrnu í kvöld.

Með sigr­in­um fór KR upp í fjórða sæti og er þar með 13 stig. Hauk­ar eru áfram í sjö­unda sæti með sjö stig.

Hin 14 ára gamla Kara kom KR í for­ystu eft­ir 20 mín­útna leik áður en Rakel Lilja Hjalta­dótt­ir jafnaði met­in fyr­ir Hauka skömmu fyr­ir leik­hlé og staðan 1:1 í hálfleik.

Hin 17 ára gamla Katla hóf síðari hálfleik­inn á því að koma KR aft­ur í for­ystu og Kara svo annað mark sitt og þriðja mark gest­anna á 55. mín­útu.

Elín Björg Norðfjörð Sím­on­ar­dótt­ir minnkaði mun­inn fyr­ir Hauka á 70. mín­útu en nær komst Hafn­ar­fjarðarliðið ekki.

HK vann í marka­leik

HK lagði Fylki einnig 3:2 er liðin mætt­ust í Árbæn­um. Með sigr­in­um fór HK upp í annað sæti deild­ar­inn­ar þar sem liðið er nú með 18 stig. Fylk­ir er sem fyrr í ní­unda og næst­neðsta sæti, fallsæti, með sex stig.

Eft­ir marka­laus­an fyrri hálfleik opnuðust flóðgátti í þeim síðari. Loma Mc­Neese skoraði tví­veg­is í upp­hafi hans og kom HK þannig í 2:0. Er hún búin að skora fimm mörk í deild­inni til þessa.

Marija Radojicic minnkaði mun­inn fyr­ir Fylki á 70. mín­útu, sex mín­út­um eft­ir að hafa komið inn á sem varamaður, og ann­ar varamaður, Harpa Kar­en Ant­ons­dótt­ir, jafnaði svo met­in fyr­ir heima­kon­ur tíu mín­út­um fyr­ir leiks­lok.

Isa­bella Eva Ara­dótt­ir tryggði hins veg­ar HK sig­ur­inn með marki tveim­ur mín­út­um fyr­ir leiks­lok.

Kefla­vík vann og Katrín með fernu

Kefla­vík hafði bet­ur gegn Grinda­vík/​Njarðvík, 1:0, í Suður­nesja­slag í Njarðvík. Kefla­vík er í sjötta sæti með tólf stig. Grinda­vík/​Njarðvík er þá í þriðja sæti með 16 stig.

Sig­ur­markið kom á 71. mín­útu og það skoraði hin banda­ríska Ariela Lew­is. Var það fjórða deild­ar­mark henn­ar á tíma­bil­inu í átt­unda leikn­um.

Loks vann Grótta stór­sig­ur á botnliði Aft­ur­eld­ing­ar, 5:0, á Seltjarn­ar­nesi. Grótta er áfram í fjórða sæti deild­ar­inn­ar og er nú með 15 stig. Aft­ur­eld­ing er á botn­in­um með þrjú stig.

Katrín Rut Kvar­an skoraði fernu fyr­ir Gróttu en hún braut ís­inn eft­ir aðeins tveggja mín­útna leik. Re­bekka Sif Brynj­ars­dótt­ir tvö­faldaði for­ystu Gróttu á 35. mín­útu og staðan var 2:0 í leik­hléi.

Í upp­hafi síðari hálfleiks skoraði Katrín Rut annað mark sitt og þriðja mark Gróttu og full­komnaði svo þrenn­una áður en klukku­tími var liðinn af leikn­um. Tæp­lega stund­ar­fjórðungi fyr­ir leiks­lok skoraði hún svo fjórða mark sitt og er þá kom­in með fimm mörk í deild­inni.

• Blogga um frétt