Breiðablik á toppnum yfir EM

Breiðablik verður á toppn­um yfir EM eft­ir góðan útisig­ur á Stjörn­unni, 3:0, í tí­undu um­ferð Bestu deild­ar kvenna í knatt­spyrnu í Garðabæn­um í dag.

Breiðablik er með 25 stig á toppn­um, jafn­mörg og Þrótt­ur R. í öðru sæti en betri marka­tölu. Liðin mæt­ast á Kópa­vogs­velli und­ir lok næsta mánaðar en nú tek­ur við mánaðarpása vegna EM í Sviss. Stjarn­an, sem er í sjötta sæti með 12 stig mun þá heim­sækja Vík­ing R eft­ir EM. 

Eft­ir líf­lega byrj­un báðum meg­in kom Sam­an­tha Smith Breiðabliki yfir á 21. mín­útu leiks­ins með góðu marki á lofti eft­ir auka­spyrnu Öglu Maríu Al­berts­dótt­ur. Eft­ir kl­afs í teign­um barst bolt­inn til Samönt­hu sem smellti hon­um í netið, 0:1. 

Birta Georgs­dótt­ir kom Breiðabliki í 2:0 á 58. mín­útu. Þá vann hún bolt­ann af Betsy Has­sett á vall­ar­helm­ingi Stjörn­unn­ar. Birta sendi Öglu Maríu í gegn en Auður S. Scheving varði vel frá henni. Bolt­inn barst síðan til Birtu sem skoraði í opið markið. 

Breiðablik var ekki lengi að bæta við þriðja mark­inu því fimm mín­útu síðar var komið að Berg­lindi Björgu Þor­valds­dótt­ur að skora. Þá sendi Sam­an­tha bolt­ann á Andr­eu Rut Bjarna­dótt­ur sem tók nokk­ur skref og gaf bolt­ann síðan fast fyr­ir markið og þar var Berg­lind sem stökk á bolt­ann og kom hon­um í netið, 0:3. 

Stjarn­an	0:3	Breiðablik	Opna lýs­ingu Loka
90. mín. Gyða Krist­ín Gunn­ars­dótt­ir (Stjarn­an) á skot sem er varið Kemst í fínt færi eft­ir send­ingu frá Snæ­dísi en skýt­ur beint á Telmu.
Augna­blik — sæki gögn...

• Blogga um frétt