Þá eigum við að vera í fínum málum

Jó­hann­es Karl Sig­ur­steins­son, þjálf­ari kvennaliðs Stjörn­unn­ar, er nokkuð ánægður með byrj­un liðsins í Bestu deild­inni í fót­bolta eft­ir fyrstu tíu um­ferðirn­ar.

Jó­hann­es var þó ósátt­ur við tap sinna kvenna fyr­ir Íslands­meist­ur­um Breiðabliks, 3:0, í Garðabæn­um í dag.

„Mér fannst spila­mennsk­an ekki eins góð og hún get­ur verið. Það virt­ist vera ein­hver tauga­titr­ing­ur í okk­ur í fyrri hálfleik.

Við vor­um að fara of snemma í löngu bolt­ana. Við gát­um leyst hlut­ina bet­ur í stutta spil­inu og press­una þannig. Þegar þú ferð í þann pakka þá ligg­ur alltaf á þér. 

Fyrsta markið kem­ur eft­ir fast leik­atriði en Blika­kon­ur voru með öll tök á leikn­um. Spila­mennsk­an hefði mátt vera betri. 

Blikaliðið er frá­bært og mörk tvö og þrjú koma eft­ir að við töp­um bolta á miðjunni og þær refsa. Við viss­um fyr­ir leik að þú mátt ekki gera mis­tök á þess­um svæðum gegn Blika­kon­um. Þær eru feiki­lega góðar að refsa með mörk­um og við feng­um að kynn­ast því.

Við náum að pinna þær niður á teig og ýta þeim upp og eig­um fyr­ir­gjaf­ir en þar verðum við að verða ákveðnari á teign­um. Við náum ekki að skapa mikið af hrein­um fær­um. Við feng­um nokk­ur tæki­færi en það var ekki nóg,“ sagði Jó­hann­es Karl í sam­tali við mbl.is. 

Frétt af mbl.is

Breiðablik á toppn­um yfir EM

Hef­ur verið stíg­andi hjá okk­ur 

Stjarn­an er í sjötta sæti með tólf stig en fyrstu tveir leik­ir liðsins voru af­leit­ir í deild­inni en síðan þá hef­ur Stjarn­an bætt sig og vann meðal ann­ars Þrótt R. í síðustu um­ferð. Nú er mánaðarpása vegna EM í Sviss en næsti leik­ur Stjörn­unn­ar er gegn Vík­ingi R. und­ir lok næsta mánaðar. 

„Mér finnst staðan á okk­ur fín. Við sýnd­um gegn Þrótti í síðasta leik og í þess­um að við eig­um að geta tekið stig í þess­ari deild. Heilt yfir hef­ur verið stíg­andi í spila­mennsku okk­ar. Við höf­um verið í vand­ræðum með að skora mörk og þurf­um á fleiri leik­mönn­um að halda til að gera það. Við get­um nýtt lands­leikjapás­una í það að skerpa á síðasta þriðjungi. Ef við höld­um í hina hlut­ina eig­um við að vera í fín­um mál­um fyr­ir seinni hlut­ann. 

Við vilj­um vera í efri hlut­an­um og eins of­ar­lega og hægt er. Þetta er jöfn deild og það er stutt niður en líka stutt upp og við vilj­um horfa þangað.“

„Við ætl­um að æfa aðeins inn í næstu viku en síðan verður ágæt­is frí. Eft­ir það verðum við til­bú­in í annað und­ir­bún­ings­tíma­bil,“ bætti Jó­hann­es við aðspurður hvort Stjörnuliðið ætlaði að taka sér frí yfir EM. 

• Blogga um frétt