„Gaman að hafa nóg að gera“

Fyr­irliði Vík­ings í Bestu-deild karla er Sví­inn Oli­ver Ekroth. Hann var í eld­línu með liði sínu í kvöld þegar Vík­ing­ar sóttu KA-menn heim til Ak­ur­eyr­ar. Sá sænski hafði nóg að gera í varn­ar­línu Vík­inga og var besti maður vall­ar­ins þótt Gylfi Þór Sig­urðsson hafi gert ákveðinn gæfumun með stoðsend­ingu og marki í 2:0 sigri Vík­inga.

Oli­ver var feng­inn í spjall eft­ir leik.

Frétt af mbl.is

Gylfi Þór gerði út­slagið á Ak­ur­eyri

„Það var al­veg slatti að gera hjá okk­ur í þess­um leik. KA er með gott lið og góðan völl sem gef­ur þeim mikið. Það var alltaf í kort­un­um að þeir myndu herja eitt­hvað á okk­ur. Þetta er líka bú­inn að vera lang­ur dag­ur. Mér fannst við gera þetta nokkuð vel, ekki síst í seinni hálfleikn­um. Þeir ógnuðu okk­ur aðeins í fyrri hálfleikn­um en við rædd­um þá hluti í hálfleik. Mér fannst við ná að halda þeim bet­ur frá okk­ur í seinni hálfleikn­um og hafa al­gjöra stjórn á leikn­um, ekki síst eft­ir seinna markið okk­ar.“

Það kom ein­mitt góð sókn­ar­lota frá KA eft­ir fyrra markið ykk­ar á 30. mín­útu, sem stóð al­veg fram að hálfleik.

„Það var al­veg hætta í ein­hver skipti. Þeir voru mikið í að koma með háa bolta og senda marga menn inn í teig. Inn­köst og horn voru að valda smá skjálfta en eng­um al­vöru vand­ræðum. Við gerðum vel og kom­umst í gegn­um þenn­an kafla. Það var smá pressa frá þeim.“

En er það skemmti­legra fyr­ir miðvörðinn að spila í svona leikj­um þar sem er alltaf nóg að fást við eða leikj­um þar sem liðið hef­ur yf­ir­burði og lítið er að gera hjá hon­um.

„Það er gam­an þegar allt geng­ur vel. Það var mikið að skalla­ein­vígj­um og bolt­ar til að elta uppi, hlaup og líka barn­ing­ur í víta­teign­um þegar háu bolt­arn­ir komu fyr­ir markið. Það er gam­an að hafa nóg að gera og okk­ar aðal hlut­verk miðvarðanna er að verja markið okk­ar. Þegar vel tekst til og við höld­um hreinu og vinn­um þá er alltaf gam­an að fara af velli eft­ir leik.“

Þið eruð bún­ir að vera á toppn­um í deild­inni stór­an hluta móts­ins og nú fara að bæt­ast við Evr­ópu­leik­ir. Það verður nóg af verk­efn­um í júlí­mánuði.

„Þetta verður al­veg hjalli að fara yfir. Von­andi verður gengið áfram gott í deild­inni og við stefn­um á að fara langt í Sam­bands­deild­inni. Þess­ir Evr­ópu­leik­ir krydda tæima­bilið og eru skemmti­leg­ir í bland við mik­il­væga deild­ar­leik­ina. Þetta verður bara gam­an. Nú byrj­um við á að fara til Kó­sovó og von­andi  taka svo við leik­ir gegn liði frá Lett­landi eða Alban­íu. Það eru al­vöru ferðalög í þessu. Maður er ekki að heim­sækja þessi lönd á hverj­um degi þegar maður býr á Íslandi.“

Og al­inn upp í Svíþjóð þá hef­ur þú vænt­an­lega ekki verið að ferðast þaðan til þess­ara landa lengst í austri eins og Kó­sovó og Alban­íu.

„Nei, ekk­ert slíkt. Maður bæt­ir alltaf ein­hverj­um lönd­um við í gegn um þessa Evr­ópu­leiki og það er alltaf gam­an að fara á nýja staði. Von­andi geng­ur þetta bara sem best hjá okk­ur svo við get­um farið sem víðast“ sagði létt­ur Oli­ver að lok­um.  

• Blogga um frétt