Geggjað að spila í þessu liði

„Þetta var frá­bær sig­ur,“ sagði Bene­dikt V. Warén leikmaður Stjörn­unn­ar í sam­tali við mbl.is eft­ir sig­ur á ÍA, 3:0, á úti­velli í Bestu deild­inni í fót­bolta í kvöld.

Frétt af mbl.is

Stjarn­an gekk frá ÍA í upp­hafi seinni

„Þetta var góð liðsframmistaða og mér fannst við sterk­ari í öllu á vell­in­um. Við vor­um sterk­ari í bar­áttu og vor­um mjög flott­ir,“ sagði Bene­dikt og hélt áfram:

„Við kom­um sterk­ir í seinni hálfleik. Við vor­um 1:0 yfir í hálfleik og vild­um koma sterk­ir í seinni hálfleik­inn. Við vild­um koma góðir út og klára þetta og það gekk vel.“

Bene­dikt skoraði fyrsta mark Stjörn­unn­ar er hann slapp í gegn eft­ir langa send­ingu inn fyr­ir vörn ÍA frá Samú­el Kára Friðjóns­syni.

„Það var frá­bær send­ing. Hann var bú­inn að senda nokkr­ar yfir. Hann er með geggjaða spyrnu­tækni og það er gott að hafa svona leik­menn með sér í liði.

Það er geggjað að spila í þessu liði. Ég er með frá­bæra leik­menn í kring­um mig. Við erum líka að sinna grunn­vinn­unni og að gera þetta sam­an. Það er að virka vel,“ sagði Bene­dikt.

• Blogga um frétt