Þróttur, Ægir og Haukar á sigurbraut

Þrótt­ur úr Vog­um, Ægir og Hauk­ar eru í þrem­ur efstu sæt­um 2. deild­ar karla í knatt­spyrnu eft­ir að hafa unnið leiki sína í 9. um­ferðinni í gær.

Þrótt­ur er með 21 stig á toppn­um, Ægir er með 20 stig, Hauk­ar 17, Grótta 16 og Dal­vík/​Reyn­ir 16, en þessi fimm lið virðast vera að skilja sig aðeins frá hon­um sjö.

Þrótt­ar­ar unnu sinn sjö­unda sig­ur í níu leikj­um þegar þeir lögðu Kor­mák/​Hvöt, 2:1, í Vog­um. Rún­ar Ingi Ey­steins­son kom Þrótti yfir en Juan Car­los Dom­ingu­ez jafnaði fyr­ir Hún­vetn­inga rétt fyr­ir leiks­lok. Allt stefndi í jafn­tefli þegar Birg­ir Hall­dórs­son skoraði sig­ur­mark Voga­manna á fimmtu mín­útu í upp­bót­ar­tíma.

Sex mörk Ægis­manna

Ægir lék Kára frá Akra­nesi grátt í Þor­láks­höfn, 6:1. Aron Fann­ar Hreins­son og Jor­d­an Adeyemo skoruðu tvö mörk hvor fyr­ir Ægi, Dimitrije Cokic og Bjarki Rún­ar Jón­ínu­son eitt hvor, en Finn­bogi Lax­dal Aðal­geirs­son minnkaði mun­inn í 4:1 seint í leikn­um.

Á Ásvöll­um unnu Hauk­ar naum­an sig­ur á botnliði Hatt­ar/​Hug­ins, 3:2, eft­ir að Aust­f­irðing­arn­ir komust tvisvar yfir. Al­ex­and­er Aron Tóm­as­son skoraði tvö mörk fyr­ir Hauka og Fann­ar Óli Friðleifs­son eitt en Bjarki Fann­ar Helga­son og Þór­hall­ur Ási Aðal­steins­son skoruðu fyr­ir Hött/​Hug­in.

Í neðri hluta deild­ar­inn­ar er Kor­mák­ur/​Hvöt með 12 stig, Vík­ing­ur Ólafs­vík 10, KFG 10, Kári 9, KFA 8, Víðir 8 og Hött­ur/​Hug­inn 5 stig.

Vík­ing­ur og Grótta skildu jöfn í Ólafs­vík, 2:2. Gróttu­menn komust tveim­ur mörk­um yfir með mörk­um Valdi­mars Daða Sæv­ars­son­ar og Björg­vins Brima Andrés­son­ar en Óls­ar­ar svöruðu fyr­ir sig og þeir Luis Diez og Kwame Quee skoruðu sitt markið hvor og jöfnuðu met­in.

Sjö leik­ir án sig­urs

Dal­vík/​Reyn­ir gerði góða ferð aust­ur í Nes­kaupstað og vann KFA 4:3 en Aust­f­irðing­arn­ir hafa nú ekki unnið í sjö leikj­um í röð eft­ir tvo sigra í byrj­un móts. Martim Sequ­eira skoraði tvö mörk fyr­ir Dal­vík­inga, Migu­el De Freitas og Sæv­ar Þór Fylk­is­son eitt hvor, en Jawed Abd El Res­ak skoraði tvö mörk fyr­ir KFA og Marteinn Már Sverris­son eitt.

Í Garðabæ vann svo KFG sig­ur á Víði, 2:1. Dag­ur Óli Grét­ars­son og Kristján Ólafs­son skoruðu fyr­ir KFG en Har­ald­ur Smári Inga­son svaraði fyr­ir Víðis­menn.

• Blogga um frétt