Það er ennþá júní

Aft­ur­eld­ing heim­sótti ÍBV í Bestu deild karla í fót­bolta í Vest­manna­eyj­um í kvöld, en leikið var á Þór­svelli. Eft­ir að hafa verið marki und­ir í hálfleik unnu gest­irn­ir 2:1 útisig­ur.

Magnús Már Ein­ars­son og hans menn hafa komið skemmti­lega á óvart í sum­ar og lögðu núna liðið sem fór upp með þeim á úti­velli, sem verður að telj­ast frá­bær úr­slit hvernig sem á það er litið.

Frétt af mbl.is

Fyrsti útisig­ur Aft­ur­eld­ing­ar

„Já ég er mjög sátt­ur. Frá­bær trú og liðsheild sem skilaði þessu. Þó við lent­um und­ir þá brugðumst við vel við og byrjuðum seinni hálfleik­inn frá­bær­lega. Áður en við skoruðum þessi mörk fannst mér við vera bún­ir að taka und­ir­tök­in á vell­in­um og verðskulda þessi mörk,“ sagði Magnús Már við mbl.is eft­ir leik­inn.

Spila­mennska gest­anna var ekki góð í fyrri hálfleik og ÍBV réð lög­um og lof­um á vell­in­um, en bæði lið hefðu getað skorað fleiri mörk í fyrri hálfleik. Spila­mennska Aft­ur­eld­ing­ar var hins­veg­ar allt önn­ur í síðari hálfleik.

„Við bara skerpt­um á okk­ar hlut­um. Eyja­menn skoruðu snemma og það kannski sló okk­ur aðeins út af lag­inu. En völl­ur­inn var erfiður og þetta var alltaf að fara vera bar­áttu­leik­ur. Þannig við bara skerpt­um á nokkr­um hlut­um í hálfleik og svo eft­ir að við kom­umst yfir vörðum við for­skotið mjög vel. Frá­bær liðsheild í þessu hjá okk­ur og hrika­lega vel gert,“ sagði Magnús Már aðspurður um hvað hann hefði lagt áherslu á í hálfleiks­hlénu.

Eft­ir leik­inn fer Aft­ur­eld­ing upp um miðja deild og nær að slíta sig þrem stig­um frá ÍBV, en liðin sem komu sam­an upp síðasta haust voru jöfn að stig­um fyr­ir leik­inn í kvöld. Magnús Már seg­ir sína menn stefna hærra en að vera í fall­bar­áttu.

„Mark­miðið er auðvitað að vera það ekki. Við þurf­um bara að vinna okk­ar leiki og tafl­an núna seg­ir ekki neitt. Það er ennþá júní og þetta mót er ekki búið fyrr en í októ­ber. Þannig við þurf­um bara að halda áfram. Við vilj­um meira og við vilj­um ná í fleiri stig. Það er bara næsta verk­efni á móti Vík­ingi á sunnu­dag­inn og við get­um ekki hugsað neitt lengra en það,“ sagði Magnús Már að lok­um.

• Blogga um frétt