Sveindís: „Ætlum hamingjusamar á EM“

Svein­dís Jane Jóns­dótt­ir, sókn­ar­maður ís­lenska landsliðsins í knatt­spyrnu, seg­ist vera í góðu ásig­komu­lagi eft­ir þriggja vikna frí.

„Staðan á mér er nokkuð góð. Ég fór út að hlaupa og hélt mér í góðu lík­am­legu formi fyr­ir þess­ar æf­inga­búðir. Haus­inn minn var því ekki al­farið frá fót­bolta en ég hafði það gott þess­ar vik­ur,“ sagði Svein­dísi í sam­tali við mbl.is eft­ir æf­ingu í Stara Pazova í Serbíu í morg­un.

Ísland mæt­ir þar heima­kon­um í vináttu­lands­leik á föstu­dag og held­ur svo dag­inn eft­ir til Sviss þar sem liðið tek­ur þátt á EM 2025.

Ekki enn farið til Kali­forn­íu

Hún samdi ný­verið við Ang­el City í sterk­ustu deild Banda­ríkj­anna en hef­ur ekki enn haldið vest­ur um haf. Spurð hvort það hafi verið rétt ákvörðun að fara ekki til Kali­forn­íu fyrr en eft­ir EM sagði Svein­dís:

„Já ég tel það. Það er ansi langt ferðalag til þess að vera þar ein­ung­is í nokkra daga. Það er hægt að gera allt í gegn­um netið í dag þannig að það var í raun ekki nauðsyn­legt fyr­ir mig að fara þangað.

Við tók­um þá ákvörðun í sam­ein­ingu að það væri best fyr­ir mig að halda kyrru fyr­ir í Evr­ópu og fá fínt frí.“

All­ar mjög and­lega sterk­ar

Íslenska landsliðið hef­ur ekki unnið leik til þessa á ár­inu.

Hef­ur það ein­hver áhrif á liðið í und­ir­bún­ingn­um fyr­ir EM í Sviss?

„Nei, alls ekki. Við erum mjög sterk­ar and­lega. Að spila fyr­ir landslið er mjög frá­brugðið því að spila fyr­ir fé­lagslið. Þegar þú nærð ekki að vinna leik með landsliðinu get­urðu alltaf snúið aft­ur til fé­lagsliðsins og dvel­ur ekki lengi við að hafa ekki unnið.

Í mín­um huga er þetta ekki erfitt fyr­ir okk­ur. Við erum all­ar sterk­ar and­lega og vit­um að við vilj­um spila þenn­an leik við Serbíu og vinna hann með það fyr­ir aug­um að fara ham­ingju­sam­ar á EM.“

• Blogga um frétt