Sannfærandi sigur á Serbum
Setja bókamerki
Ísland mætti Serbíu í lokaleik sínum fyrir Evrópumót kvenna í knattspyrnu sem hefst í byrjun júlí. Leikurinn var spilaður í miklum hita í borginni Stara Prazova og endaði hann með sigri Íslands, 3:1.
Fyrir leik hafði íslenska liðið ekki unnið fótboltaleik frá 16. júlí 2024 og var komin krafa á sigur frá stuðningsmönnum og áhugamönnum um íslenska kvennalandsliðið. Stelpurnar svöruðu heldur betur kallinu og mæta fullar sjálfstrausts inn á Evrópumótið.
Íslenska liðið setti tóninn á þriðju mínútu leiksins þegar Sandra María Jessen skoraði fyrsta mark leiksins. Alexandra Jóhannsdóttir vann þá boltann framarlega á vellinum og lagði hann á Söndru sem skoraði með föstu skoti í fjærhornið. Þrjár mínútur liðnar og Ísland komið yfir.
Þær serbnesku voru varla búnar að taka miðju þegar Ísland hafði bætt við öðru marki. Þá vann Sveindís Jane Jónsdóttir boltann framarlega á vellinum og fann hún Karólínu Leu Vilhjálmsdóttur fyrir framan vítateig Serbanna. Karólína lét vaða fyrir utan teiginn og söng boltinn í netinu, óverjandi fyrir Milica Kostic, markvörð Serbíu. Fimm mínútur liðnar og staðan orðin 2:0 fyrir Ísland.
Næstu mínútur var Ísland með öll völd á vellinum og náði nokkrum skotum að marki og komst oft í góðar stöður án þess þó að koma boltanum í netið.
Leikurinn róaðist aðeins þegar fór að líða á hálfleikinn og fátt markvert gerðist áður en Zoe Stavrou, kýpverskur dómari leiksins, flautaði til hálfleiks.
Seinni hálfleikurinn fór rólega af stað og mikið jafnvægi var í leiknum þar til á 58. mínútu þegar Sveindís Jane Jónsdóttir tók til sinna ráða. Hún fékk boltann fyrir aftan miðju úti á kanti, snéri frábærlega á varnarmann Serbíu áður en hún tók á rás með boltann að marki Serbanna. Þegar hún nálgaðist teig Serbanna þá lét hún vaða að marki og boltinn söng í fjærhorninu, gjörsamlega óverjandi fyrir markvörð Serbanna.
Serbarnir náðu að minnka muninn á 66. mínútu þegar boltinn bars til Miljana Ivanovic inni á vítateig íslenska liðsins. Ivanovic gerði vel í að athafna sig og koma skoti að marki sem Cecilía réði ekki við og staðan því orðin 3:1, Íslandi í vil.
Diljá Ýr Zomers komst næst því að skora fjórða mark Íslands þegar hún átti frábært skot sem endaði í þverslánni undir lok leiksins.
Flottur sigur Íslands staðreynd og það verður gaman að sjá þegar liðið mætir til leiks á Evrópumótinu þann 2. júlí n.k.
| Serbía | 1:3 | Ísland |
|
|---|---|---|---|
| Augnablik — sæki gögn... | |||
Veiðigjaldafrumvarpið samþykkt
Flugslys í Bretlandi
Rýr uppskera ríkisstjórnarinnar
„Þetta er hiklaust bannað“
Fann Bjólf í bátskumli
Umræðum um veiðigjöldin er lokið
Stoltir prjónakarlar reynslunni ríkari
Umsóknum Sýrlendinga frestað