Framarar upp í fimmta sæti

Fram hafði bet­ur gegn ÍBV, 2:0, í 13. um­ferð Bestu deild­ar karla í fót­bolta á Fram­vell­in­um í Úlfarsár­dal í dag. Með sigr­in­um fór Fram upp í 5. sæti, þar sem liðið er með 19 stig. ÍBV er í ní­unda sæti með 14 stig.

Eft­ir ró­leg­ar upp­haf­smín­út­ur kom Freyr Sig­urðsson heima­mönn­um yfir á 20. mín­útu er hann skoraði af stuttu færi eft­ir send­ingu frá Má Ægis­syni. Bolt­inn fór í tvo Eyja­menn, áður en Freyr potaði bolt­an­um í netið.

Átta mín­út­um síðar bætti Jakob Byström við öðru marki Fram­ara er hann lagði bolt­ann í netið af stuttu færi eft­ir að Vuk Osk­ar Dimitrij­evic kom bolt­an­um á hann eft­ir góða send­ingu frá Fred.

Eyja­menn sköpuðu sér sára­lítið í fyrri hálfleik og var Fram með tveggja marka for­skot í hálfleik, 2:0.

Seinni hálfleik­ur­inn var hinn ró­leg­asti fram­an af en Vuk Osk­ar slapp í gegn á 61. mín­útu en Marcel Zapytowski í marki ÍBV varði vel frá hon­um. Sverr­ir Páll Hjaltested skallaði  svo rétt fram­hjá marki Fram á 74. mín­útu.

Tíu mín­út­um síðar var Mil­an Tomic hárs­breidd frá því að minnka mun­inn fyr­ir ÍBV en Kennie Chopart bjargaði stór­glæsi­lega á línu. Reynd­ist það síðasta góða færi leiks­ins og Fram­ar­ar fögnuðu sterk­um sigri.

Lýs­ing upp­fær­ist sjálf­krafa

All­ar lýs­ing­ar í beinni

Fram	2:0	ÍBV	Opna lýs­ingu Loka
90. mín. Þorri Heiðar Berg­mann (ÍBV) kem­ur inn á
Augna­blik — sæki gögn...

• Blogga um frétt