Vorum með þá í köðlunum

„Mér fannst við eiga stigið skilið í dag, jafn­vel öll þrjú,” sagði Magnús Már Ein­ars­son þjálf­ari Aft­ur­eld­ing­ar eft­ir 2:1-tap á úti­velli gegn Vík­ing í Bestu deild karla í knatt­spyrnu í kvöld.

„Mér fannst við eiga betri færi og miklu fleiri skot en þeir tóku kort­ers kafla þar sem þeir skora sig­ur­markið og ná að halda okk­ur niðri en þess fyr­ir utan fannst mér við vera betri aðil­inn,” sagði Magnús í viðtali við mbl.is eft­ir leik­inn.

Aft­ur­eld­ing gerði aðeins eina skipt­ingu á liði sínu í leikn­um en Enes Þór Enes­son Cogic kom inn á eft­ir aðeins 24 mín­út­ur þegar Oli­ver Sig­ur­jóns­son fór meidd­ur af velli.

„Enes kom frá­bær­lega inn í leik­inn eins og hann hef­ur gert í sum­ar. Við erum með hörku hóp og get­um gert breyt­ing­ar en við mát­um það þannig í dag að við vor­um að spila mjög vel og það var erfitt að taka ein­hvern út. Mér fannst vera kraft­ur í okk­ur eins og sást í lok­in, við vor­um að ýta á þá fram á síðustu sek­úndu og fannst ekki til­efni til þess að breyta því við vor­um að spila vel.  

Við tök­um spila­mennsk­una með út úr þessu en við þurf­um að fá eitt­hvað út úr leikj­um”

Hrann­ar Snær Magnús­son og Aron Jó­hanns­son að fagna marki Arons í kvöld. mbl.is/​Há­kon Páls­son

Aft­ur­eld­ing er í sjö­unda sæti með 17 stig eft­ir þrett­án um­ferðir, aðeins tveim­ur stig­um frá efri hlut­an­um en fimm frá fallsæti.

„Við þurf­um að hugsa um að ná í eins mörg stig og við get­um. Við erum komn­ir með sautján en við þurf­um að ná í miklu fleiri og við vit­um það, við erum á fullu að leita og lögðum allt í þetta. Við sett­um Jök­ul fram í lok­in og síðustu mín­út­urn­ar vor­um við al­veg með þá í köðlun­um.

Mér fannst við jafn­vel geta jafnað þá og svo feng­um við líka fleiri færi í leikn­um. Við vor­um að spila á móti Vík­ing­um sem er mjög öfl­ugt varn­ar­lið og vor­um að banka ít­rekað, fá færi og annað. Ég er ánægður með frammistöðuna en við þurf­um að fá eitt­hvað út úr því.”

Eins og kom fram hér fyr­ir ofan fór Oli­ver Sig­ur­jóns­son meidd­ur af velli en Aft­ur­eld­ing mæt­ir Breiðabliki, upp­eld­is­fé­lagi Oli­vers, í næstu um­ferð. 

Er Oli­ver al­var­lega meidd­ur?

„Nei, hann fékk smá­vægi­legt högg og ég hugsa að hann verði með á móti Breiðabliki á fimmtu­dag­inn sem er það sem við erum að hugsa um núna. Það er leik­ur á móti Breiðablik á fimmtu­dag­inn og við þurf­um að taka þessa frammistöðu hér í dag og flytja hana yfir í þann leik.

Það var frá­bær stuðning­ur úr Mos­fells­bæ í dag og við þurf­um að fá sama stuðning í næsta leik. 

Það á að hafa því­líka upp­hit­un í hlé­garði, fé­lags­heim­il­inu okk­ar, og ég vona að sem flest­ir mæti og taki þátt í fjör­inu með okk­ur.“

• Blogga um frétt