Ræddi við önnur félög en hjartað vildi heim

Jón Daði Böðvars­son, fyrr­ver­andi landsliðsmaður í knatt­spyrnu, var til­kynnt­ur sem nýr leikmaður Sel­foss við al­vöru at­höfn í miðbæn­um á Sel­fossi í dag.

Jón Daði snýr aft­ur heim eft­ir 13 ár í at­vinnu­mennsku en hann lék síðast með Burt­on Al­bi­on í ensku C-deild­inni.

„Mér finnst þetta vera rétti tíma­punkt­ur­inn og þessi ákvörðun sit­ur vel í mér. Gott að hafa framtíð sína skýra núna. Ég er mjög spennt­ur fyr­ir þessu,“ sagði Jón Daði við mbl.is. 

Frétt af mbl.is

Jón Daði mætt­ur á Sel­foss (mynd­skeið)

Vildi ekki spila fyr­ir annað lið en Sel­foss

Hvenær var ákvörðunin tek­in?

„Hún var nokk­urn veg­inn tek­in þegar tíma­bil­inu lauk hjá Burt­on. Ég var í viðræðum við önn­ur fé­lög líka, eins og all­ir gera.

Ég vildi skoða mína mögu­leika en það sat í raun aldrei vel í mér að spila fyr­ir annað fé­lag en Sel­foss, með fullri virðingu fyr­ir þeim fé­lög­um sem ég ræddi við.

Ég var hérna frá sjö ára aldri til tví­tugs og spilaði ekki fyr­ir annað lið á Íslandi. Það var alltaf í hausn­um á mér að ef ég myndi spila á Íslandi yrði það hjá Sel­fossi, sama í hvaða deild.“

Ákvörðunin nán­ast tek­in þrátt fyr­ir viðræður

Jón Daði ræddi við fé­lög í Bestu deild­inni en leið hans lá heim, þrátt fyr­ir að Sel­foss sé meðal neðstu liða í 1. deild­inni.

„Já, ég viður­kenni það al­veg og ber ekk­ert nema virðingu við þau fé­lög en hvað það varðar var ákvörðunin nán­ast tek­in hjá mér að koma á Sel­foss. Ég sagði við sjálf­an mig þegar ég fór í Burt­on að það yrði minn síðasti dans í at­vinnu­mennsk­unni.

Það er virki­lega sætt að hafa endað at­vinnu­mennsk­una á svona hátt, ég er mjög sátt­ur,“ bætti Jón Daði við. 

• Blogga um frétt