Fram sótti sigur á írskum dögum

Fram slökkti í par­tí­inu á Akra­nesi, alla­vega í bili, þegar liðið vann ÍA, 1:0, í 14. um­ferð Bestu deild­ar karla í knatt­spyrnu á Akra­nesi í dag.

Það eru írsk­ir dag­ar á Akra­nesi í kvöld en ÍA liðið er í neðsta sæti deild­ar­inn­ar með tólf stig og hef­ur ekki skorað í þrem­ur heima­leikj­um í röð. Fram er aft­ur á móti á mik­illi sigl­ingu með 22 stig í fjórða sæti.

Framr­ar­ar voru ekki lengi að ná for­yst­unni í leikn­um en á átt­undu mín­útu skoraði Vuk Osk­ar Dimitrij­evic sitt átt­unda mark í deild­inni á tíma­bil­inu. 

Þá átti Har­ald­ur Ein­ar Ásgríms­son horn­spyrnu inn á teig­inn sem Kennie Chopart skallaði að marki ÍA og Vuk potaði bolt­an­um síðan inn, 0:1. 

Framr­ar­ar voru mun betri all­an fyrri hálfleik­inn og Freyr Sig­urðsson fékk meðal ann­ars nokk­ur góð færi. 

Í byrj­un seinni hálfleiks átti sér stað um­deilt at­vik. Þá sendi Freyr bolt­ann þvert fyr­ir á Vuk sem var með opið markið fyr­ir fram­an sig en setti bolt­ann fram­hjá. Aft­ur á móti virt­ist Hlyn Sæv­ar Jóns­son varn­ar­maður ÍA toga Vuk niður og hefði því getað fengið á sig víti og rautt spjald en Vil­hjálm­ur Al­var Þór­ar­ins­son dóm­ari lét at­vikið eiga sig. 

Augna­bliki síðar þurfti Vil­hjálm­ur að hætta leik og tók Guðni Páll Kristjáns­son vara­dóm­ari við flaut­unni. 

Skaga­menn sóttu djarft síðustu 20 mín­út­ur leiks­ins og átti Erik San­berg skalla í þverslána. Nær komust heima­menn þó ekki og þar með sat. 

Fram mæt­ir næst Vestra á Ísaf­irði í undanúr­slit­um bik­ars­ins en næsti leik­ur liðsins í deild­inni er gegn KR. ÍA fær næst KR í heim­sókn. 

ÍA	0:1	Fram	Opna lýs­ingu Loka
90. mín. ÍA fær horn­spyrnu
Augna­blik — sæki gögn...

• Blogga um frétt