Framkvæmdir á Meistaravöllum á blússandi siglingu

Fram­kvæmd­ir hafa staðið yfir á heima­velli Knatt­spyrnu­fé­lags Reykja­vík­ur síðan í des­em­ber síðastliðnum en verið er að leggja gervi­gras á Meist­ara­velli.

Fé­lagið deildi í dag mynd af vell­in­um og loks­ins er byrjað að leggja gervi­grasið á völl­inn eft­ir mikl­ar fram­kvæmd­ir.

Karlalið KR hef­ur hingað til spilað á aðal­velli Þrótt­ar í Laug­ar­daln­um og kvennaliðið á gervi­grasvelli á KR-svæðinu í Vest­ur­bæn­um.

Fyrsta skóflu­stung­an var tek­in í des­em­ber síðastliðnum og stefnt var á að spila fyrsta heima­leik­inn 10. maí. Það gekk ekki upp en núna er mark­miðið að spila fyrsta leik­inn 20. júlí hjá kvennaliðinu og 27. júlí hjá karlaliðinu sam­kvæmt leikjaplan­inu á KSÍ.is.

• Blogga um frétt