Stórkostlegt og sturlað

„Þetta er stór­kost­legt og sturlað,“ sagði Davíð Smári Lamu­de þjálf­ari Vestra í sam­tali við mbl.is eft­ir að liðið tryggði sér sæti í bikar­úr­slit­um í fyrsta skipti með sigri á Fram í víta­keppni á Ísaf­irði í dag.

Frétt af mbl.is

Vestri í bikar­úr­slit eft­ir víta­keppni

„Það er hálfgalið að við séum komn­ir alla þessa leið. Mér fannst við eiga þetta fylli­lega skilið. Við erum bún­ir að spila frá­bær­lega í bik­arn­um í ár og þetta er það sem við eig­um skilið,“ sagði Davíð og hélt áfram:

„Þetta var jafn leik­ur á móti stór­kost­legu liði Fram­ara sem hef­ur unnið bik­ar­inn átta sinn­um og Rún­ar er bú­inn að vinna bik­ar­inn tvisvar sem þjálf­ari KR og einu sinni sem leikmaður. Við vor­um litla liðið í dag en við vor­um ofboðslega gíraðir og kraft­mikl­ir.

Mér fannst við nán­ast geta klárað leik­inn á fyrstu 15-20 mín­út­un­um. Ég hefði viljað halda bolt­an­um bet­ur eft­ir það en svo kom­um við til baka. Við misst­um aðeins damp­inn í byrj­un seinni en svo unn­um við okk­ur inn í leik­inn.“

Davíð er skilj­an­lega spennt­ur fyr­ir því að fara í bikar­úr­slit á Laug­ar­dals­velli, þar sem Vals­menn bíða.

„Það leggst gríðarlega vel í mig. Við þurf­um að horfa á næsta leik og standa okk­ur í leikj­un­um sem eru fram að úr­slita­leikn­um 22. ág­úst. Við þurf­um að byggja upp sjálfs­traust og teng­ing­una sem hef­ur verið í þessu Vestr­aliði. Þá eru all­ir veg­ir fær­ir,“ sagði Davíð.

• Blogga um frétt