Þurfum að moka inn stigum

„Það var fínn kraft­ur í dag hjá strák­un­um, þeir hafa ekki spilað í tvær vik­ur svo það var fínt að fá leik núna og við sætt­um okk­ur við þetta stig,“ sagði Magnús Már Ein­ars­son þjálf­ari Aft­ur­eld­ing­ar eft­ir 1:1-jafn­tefli gegn Fram í Bestu deild karla í knatt­spyrnu á heima­velli í kvöld.

Frétt af mbl.is

Aft­ur­eld­ing og Fram deildu stig­un­um

„Þetta voru bara sann­gjörn úr­slit. Þetta var hörku­leik­ur eins og bar­átta hjá þess­um ná­grannaliðum á að vera,“ sagði Magnús í viðtali við mbl.is eft­ir leik­inn og hélt áfram:

„Þeir áttu kafla og við átt­um kafla og ég held að þetta stig hafi verið sann­gjarnt.

Við vor­um komn­ir yfir og þá vill maður nátt­úru­lega klára leik­inn og vinna hann svo það var svekkj­andi að fá þetta mark á sig. Mér fannst fram að því þá voru þeir ekk­ert bún­ir að opna okk­ur neitt gríðarlega mikið en eft­ir markið okk­ar þá náðu þeir að gefa í og áttu mögu­lega skilið eitt mark í lok­in.

 Þeir komu ágæt­lega inn í seinni hálfleik, mér fannst við aðeins með yf­ir­hönd­ina í fyrri hálfleik. Svo fáum við skot og mark í seinni og eft­ir það voru þeir sterk­ari aðil­inn, meira með bolt­ann og svona, en við kom­um líka með hraðar sókn­ir inn á milli og hefðum getað sett annað mark líka.“

Aft­ur­eld­ing er með 19 stig í sjö­unda sæti. Með jafn mörg stig og Vestri sem er í efri hlut­an­um en aðeins þrem­ur stig­um frá fallsæti.

Ertu ekki sátt­ur við öll stig­in sem þið fáið núna?

„Jú. Bara moka sem mest inn. Ég hefði auðvitað viljað vinna en ég vil að sjálf­sögðu fá sem flest stig, þetta er rosa­lega jafnt og eng­ar lín­ur byrjaðar að skír­ast í þessu enn þá hvað sæti varðar svo við þurf­um að moka inn stig­um eins og við get­um.

 Við mun­um æfa vel og und­ir­búa okk­ur fyr­ir næsta leik á móti Stjörn­unni í Garðabæ sem verður hörku leik­ur og við mæt­um klár­ir þangað.“

 Mögu­lega úr axl­arlið

Aron Jóns­son, marka­skor­ari Aft­ur­eld­ing­ar í kvöld, fór meidd­ur af velli und­ir lok leiks.

„Hann meidd­ist eitt­hvað í öxl­inni, fór mögu­lega úr axl­arlið, en við eig­um eft­ir að kíkja bet­ur á það en von­andi ekk­ert al­var­legt.“

• Blogga um frétt