Viktor hetja Blika

Breiðablik hafði bet­ur gegn Vestra, 1:0, í 15. um­ferð Bestu deild­ar karla í fót­bolta á Kópa­vogs­velli í dag. Breiðablik er nú með 30 stig eins og topplið Vík­ings. Vestri er áfram í sjötta sæti með 19 stig.

Breiðablik komst yfir á 10. mín­útu þegar Vikt­or Karl Ein­ars­son skoraði af stuttu færi eft­ir lag­lega sókn og send­ingu frá Kristni Stein­dórs­syni.

Blikar voru með stjórn á leikn­um eft­ir það en Fatai Gba­da­mosi fékk þó úr­vals­færi til að jafna á 33. mín­útu er hann slapp einn í gegn eft­ir send­ingu frá Diego Montiel en skaut fram­hjá.

Tobi­as Thomsen komst tví­veg­is ná­lægt því að skora und­ir lok hálfleiks­ins. Fyrst skaut hann í stöng með hjól­hesta­spyrnu á 43. mín­útu og svo varði Guy Smit vel frá hon­um er sá danski skallaði að marki af stuttu færi í upp­bót­ar­tíma fyrri hálfleiks.

Thomsen komst aft­ur ná­lægt því að skora á 50. mín­útu er hann átti fast skot utan teigs en bolt­inn aft­ur í stöng­ina. Lítið var um færi næstu mín­út­ur en Aron Bjarna­son slapp einn í gegn á 78. mín­útu en Smit gerði mjög vel í að sjá við hon­um.

Reynd­ist það síðasta góða færi leiks­ins og Breiðablik fór með eins marks sig­ur af hólmi. 

Lýs­ing upp­fær­ist sjálf­krafa

All­ar lýs­ing­ar í beinni

Breiðablik	1:0	Vestri	Opna lýs­ingu Loka
90. mín. Krist­inn Stein­dórs­son (Breiðablik) fær gult spjald Stöðvar snögga sókn með peysu­togi.
Augna­blik — sæki gögn...

• Blogga um frétt