Einvígi Mead og Popp
Beth Mead jafnaði markamet Inku Grings þegar hún skoraði fyrir England gegn Svíþjóð í undanúrslitum EM.
AFP/Lindsey Parnaby
Setja bókamerki
Þegar England og Þýskaland mætast í úrslitaleik EM kvenna á Wembley í dag, heyja líka leikmenn úr báðum liðum einvígi um markadrottningartitil Evrópumótsins.
Enski kantmaðurinn Beth Mead og þýski framherjinn Alexandra Popp hafa báðar skorað sex mörk á Evrópumótinu. Í undanúrslitunum jöfnuðu þær báðar met Inku Grings, sem skoraði sex mörk fyrir Þýskaland í úrslitakeppni EM í Finnlandi árið 2009.
Alessia Russo, sem hefur komið inn á sem varamaður í öllum leikjum Englands, er þriðja markahæst á mótinu með þrjú mörk en það er frekar langsótt að henni takist að standa uppi sem markadrottning EM.
Alexandra Popp jafnaði markamet Ingu Grings og Beth Mead þegar hún skoraði fyrir Þjóðverja gegn Frökkum í undanúrslitum EM.
AFP/Franck Fife
