Kieran Tierney tekur ekki frekari þátt á Evrópumótinu en hann meiddist aftan í læri í jafntefli Skota og Sviss á miðvikudagskvöldið. Tierney snýr aftur til Arsenal þegar í stað.
Tierney var borinn af velli en þessi sömu meiðsli hafa plagað hann undanfarið ár. Tierney lék einungis tuttugu leiki fyrir Real Sociedad á tímabilinu þar sem hann var í láni þar sem hann meiddist í tvígang aftan í læri.
Skotar þurfa nauðsynlega á sigri að halda í sínum síðasta leik í riðlinum gegn Ungverjum.