Fluttur á sjúkrahús eftir fall úr stúku

Stuðningsmaður Póllands var fluttur á sjúkrahús í Berlín eftir að hann féll úr áhorfendastúku á Ólympíuleikvanginum þar í borg á meðan leik liðsins gegn Austurríki á Evrópumóti karla í knattspyrnu stóð í dag.

Stuðningsmaðurinn var staddur í hluta áhorfendastúkunnar sem innihélt stuðningsmenn beggja liða þegar stuðningsmenn Austurríkis fögnuðu marki.

Frétt af mbl.is

Austurríki vann mikilvægan sigur á Póllandi

Í troðningi sem myndaðist féll hann úr stúkunni. Sjúkrabíll var á svæðinu og hlaut stuðningsmaðurinn aðhlynningu í um hálftíma þar til leiknum lauk.

Þá var hann fluttur á sjúkrahús en á þessari stundu er ekki vitað hvernig líðan stuðningsmannsins er.

• Blogga um frétt