Enska knattspyrnusambandið hefur gefið út að Phil Foden, sóknarmaður Manchester City, hefur yfirgefið enska landsliðið tímabundið af persónulegum ástæðum.
England tryggði sér sigur í C-riðli með jafntefli gegn Slóveníu í gær en Foden hefur byrjað alla leiki Englands á mótinu.
Ekki er ljóst hvenær Foden snýr aftur en England leikur í sextán liða úrslitum á sunnudag. Mótherji Englands á sunnudag verður þriðja sætis lið úr D, E eða F-riðli.