Jude Bellingham skoraði með hjólhestaspyrnu á ögurstundu fyrir England gegn Slóvakíu í sextán liða úrslitum EM í gær en hann gæti fengið sekt fyrir dónalegt fagn.
Bellingham hefur verið sakaður um vanvirðingu við Slóvaka en hann fagnaði marki sínu með óviðeigandi handahreyfingum. Sjálfur hefur Bellingham beðist afsökunar á fagninu og sagt að fagnið hafi verið einkahúmor og beint að vinum leikmannsins sem sátu í stúkunni.
UEFA gæti blandað sér í málið en beðið er eftir skýrslu dómara. Samkvæmt knattspyrnulögunum ber að gefa leikmanni rautt spjald fyrir særandi hegðun í garð annarra þátttakenda leiksins en ólíklegt þykir að Bellingham, sem fagnaði 21. árs afmæli sínu á laugardaginn, verði dæmdur í leikbann.
🥱❌- An inside joke gesture towards some close friends who were at the game. Nothing but respect for how that Slovakia team played tonight.🤝🏽 https://t.co/H8sETMkPoi
— Jude Bellingham (@BellinghamJude) June 30, 2024