Leikmönnum bannað að hitta kærustur

Ef Þýskaland vinnur Spán í átta liða úrslitum og kemst í undanúrslit Evrópumóts karla í knattspyrnu verður þeim ekki leyft að hitta eiginkonur sínar eða kærustur á meðan á mótinu stendur. 

Mótið er haldið þarlendis en leikmönnum hefur hingað til verið leyft að hitta konur sínar og fjölskyldu á milli leikja. 

Hins vegar mun það breytast ef liðið kemst í undanúrslitin. Þá er styttri hvíld á milli leikja og vill Julian Nagelsmann, þjálfari liðsins, að öll einbeiting verði á mótinu, eða svo greina þýskir miðlar frá. 

Þýskaland mætir Spáni í Stuttugart á föstudaginn kemur. 

• Blogga um frétt