Ensku knattspyrnumennirnir James Milner og Danny Welbeck, leikmenn Brighton & Hove Albion, hafa báðir skrifað undir nýja samninga við enska félagið.
Milner, sem er 38 ára gamall, skrifaði undir eins árs framlengingu og verður því hjá Brighton út tímabilið 2024-25.
Welbeck, sem er 33 ára, skrifaði undir tveggja ára samning sem gildir til sumarsins 2026.
Þriðji enski reynsluboltinn, hinn 36 ára gamli Adam Lallana, er hins vegar á förum frá Brighton þegar samningur hans rennur út í sumar.
Lýkur fjögurra ára dvöl Lallana hjá félaginu því brátt.