Metið verður á æfingu í dag hvort Kevin De Bruyne geti tekið þátt með Manchester City í leik liðsins gegn West Ham í lokaumferð ensku úrvalsdeildarinnar í knattspyrnu í Manchester á sunnudaginn.
Með sigri gulltryggir Manchester City sér fjórða Englandsmeistaratitilinn í röð. De Bruyne er eitthvað tæpur og verður ákveðið í dag hvort hann verði með.
Frá þessu greindi Pep Guardiola á blaðamannafundi í dag.