Samþykkir fimm ára samningstilboð Chelsea

Enska knattspyrnufélagið Chelsea og Ítalinn Enzo Maresca hafa komist að samkomulagi um fimm ára samning og mun hann taka við karlaliði félagsins af Mauricio Pochettino.

Maresca vann B-deildina með Leicester City á leiktíðinni og kom liðinu upp í úrvalsdeildina. Hann var í þjálfarateymi Pep Guardiola hjá Manchester City.

Sky Sports greinir frá að Chelsea þurfi að greiða Leicester um 10 milljónir punda til að fá að ráða ítalska stjórann.

Chelsea hafnaði í sjötta sæti ensku úrvalsdeildarinnar á síðustu leiktíð. Þrátt fyrir góðan endasprett ákváðu forráðamenn félagsins að losa sig við Pochettino eftir leiktíðina.

• Blogga um frétt