Manchester United hefur tekið ákvörðun um að selja Englendinginn Jadon Sancho í sumar, sama hvaða stjóri mun stýra liðinu. Þetta tilkynnir félagskiptasérfræðingurinn Fabrizio Romano á samfélagsmiðlum sínum.
Sancho gekk til liðs við Manchester United árið 2021 frá Borussia Dortmund fyrir 73 milljónir punda en hann hefur aldrei náð sér almennilega á strik hjá enska stórveldinu.
Sancho fór á lán til Dortmund í janúar og átti hann ágætis lánsdvöl þar. Liðið fór í úrslitaleik Meistaradeildarinnar í knattspyrnu og tapaði 2:0 gegn Real Madrid.
Manchester United vill fá 40 milljónir punda fyrir Sancho í sumar og hefur Dortmund meðal annars sýnt áhuga.
Hér fyrir neðan má sjá færslu Fabrizio Romano á samfélagsmiðlinum X.
🚨🔴 Manchester United remain 100% decided on selling Jadon Sancho this summer, regardless of who is manager.#MUFC board looking for £40m fee to let Sancho leave with interest from Borussia Dortmund but also other clubs. pic.twitter.com/NDDWX8caHl
— Fabrizio Romano (@FabrizioRomano) June 9, 2024