Hollenski knattspyrnumaðurinn Joshua Zirkzee, framherji Bologna, er eftirsóttur maður.
Zirkzee átti frábært tímabil með Bologna sem hafnaði í fimmta sæti ítölsku A-deildarinnar og tryggði sér sæti í Meistaradeildinni á síðasta tímabili.
AC Milan hefur sett sig í samband við Zirkzee og er talið líklegast að hann fari þangað.
Enskir miðlar greina hins vegar frá því að stórfélögin Manchester United og Arsenal hafi bæði áhuga á framherjanum.
Zirkzee er fáanlegur fyrir 34 miljónir punda en hann er með klásúlu í samningi sínum.