Spænski knattspyrnumaðurinn Sergi Gómez er á förum frá Englandsmeisturum Manchester City og á leiðinni til Real Sociedad í heimalandinu.
Manchester City fær níu milljónir evra fyrir bakvörðinn samkvæmt félagaskiptasérfræðingnum Fabrizio Romano.
Gómez gekk til liðs við Manchester City frá Anderlecht í ágúst árið 2022 en hann hefur verið í aukahlutverki hjá liðinu og aðeins spilað 38 leiki.